Nsumuinu 2:20 - MUKANDA WA MYIDI MUKULU

²⁰ Nenku, enda mu njila udi bantu bakane balonda. Idikija malu adi bantu bimpe benza.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bua bualu ebu budi bua wewe wende mu nshila ya bantu bimpe, bua ulamate biebe kudi nshila ya bantu bakane.

Nsumuinu 2:20 교차 참조

Misambu 119:115

Nuenu bena malu mabi umbukayi muaba undi, ndi musue kulonda meyi a Mvidi Mukulu wanyi.

Misambu 119:63

Ndi mudie bulunda ne badi bakunemeka bonsu, ne badi banemeka kabidi mikenji yebe.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Nsumuinu 4:11

Ndi nkulongesha mua kulonda njila wa meji. Ndi nkuleja muudi mua kusomba bimpe.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Nsumuinu 8:20

Badi bansangana mu njila udibu balonda kudi bantu badi bakeba Mvidi Mukulu, mu njila idi bantu benzelangana bimpe.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

3 Yone 1:11

Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.