Nsumuinu 19:20 - MUKANDA WA MYIDI MUKULU

²⁰ Teleja mibelu, wanyisha bua bakulongeshe. Nanku neushale muntu wa lungenyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Unvua meji adibo bakuha, witabusha diyisha, bua wewe wikale ne meji mu matuku alualua.

Nsumuinu 19:20 교차 참조

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Misambu 90:12

Utunwuije ne matuku etu adi mabala. Nanku netupete meji.

Misambu 90:14

Utuwuje ne malu ebe mimpe, patshidi butuku butshia, nenku netuele mbila ya disanka matuku onsu.

Nsumuinu 1:2

Nsumuinu eyi idi ilongesha bantu mua kusomba biakane ne meji mu bantu.

Nsumuinu 1:3

Idi ilongesha bantu mua kupeta lungenyi, bua balonde njila wa buakane, bikale ne muoyi umue, kabayi badinga bantu bakuabu!

Nsumuinu 1:8

Muananyi, uteleje tshidi tatuebe ukulongesha. Kupetudi mibelu ya kudi mamuebe.

Nsumuinu 12:15

Muntu mutatakane udi udimona misangu yonsu ne: ndi ngenza bilenga. Kadi muntu wa lungenyi udi wanyisha mibelu.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Nsumuinu 15:32

Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Nsumuinu 19:19

Muena tshiji tshikole afute tshibawu. Wewe mubenge kumufutshisha, udi umusaka bua atungunuke.

Nsumuinu 4:1

Bana banyi, telejayi mudi tatu unulongesha. Nuikale ne ntema bua nupete lungenyi.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Nsumuinu 8:33

Telejayi malongesha anyi, nukuate nawu mudimu, nanku nenupete meji.

Yirmeya 6:8

“Wewe Yerushalayime, udimuke. Kuyi mudimuke, meme nenkubenge. Muebe nemushale anu tshipela, muaba udi bantu kabayi basa.”

Sefanya 3:7

Pashishe meme kuela meji ne: Yerushalayime neannemeke, neavuluke mibelu yanyi, neayitabe! Nanku, tshiakumubutula to, tshiakukumbaja bimvua mumukanyine nabi. Kadi bantu badi basombamu; badi lukasa lukasa amu bua kuenza malu mabi.”

Dibadika 23:10

Kakuena udi mua kubala bungi bua bena Izrayele, kakuena udi mua kubadika ndelanganyi ya Yakobe! Ndi njinga kufua mudi bantu bakane aba bafua. Ndi musue kuikala nabu muaba umue.”

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.