Nsumuinu 18:6 - MUKANDA WA MYIDI MUKULU

⁶ Miaku ya muntu mupote idi ikeba matandu. Tshidiye wamba tshidi tshikeba mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mishiku ya muhote idi ivuisha matandu; mukana muandi mudi mumubikidila mitutu.

Nsumuinu 18:6 교차 참조

Nsumuinu 12:16

Muntu mutshimbakane udi uleja tshiji tshiende patoke diakamue. Kadi muntu wa lungenyi udi usokoka kanyinganyinga kadiye naku.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Nsumuinu 14:16

Muntu wa meji udi utshina bualu bubi, ubuepuka. Kadi mutatakane udi upututuka, kayi wela meji ku bualu nansha bumue.

Nsumuinu 14:3

Mu miaku ya muena dipote mudi ditambisha. Miaku ya bena meji idi ibepula ku njiwu.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 19:19

Muena tshiji tshikole afute tshibawu. Wewe mubenge kumufutshisha, udi umusaka bua atungunuke.

Nsumuinu 19:29

Bena ditambisha nebabanyoke. Muntu mutatakane nebamutuute.

Nsumuinu 20:3

Muntu wa meji udi wepuka matandu. Amu bantu bapote ke badi badibuejamu.

Nsumuinu 22:10

Ipata muena ditambisha, matandu neakoseke, mitoyi ne bipendu nebijike.

Nsumuinu 25:24

Mbimpe kusomba mu kazubu, pa mutu pa kusomba mu nzubu muimpe pamue ne mukaji wa mutoyi.

Nsumuinu 27:3

Dibue didi ne bujitu, lusenga ludi luneema. Kadi lukinu lua mupote ndubipite bujitu.

Nsumuinu 29:9

Padi muntu wa meji ku tshilumbu ne muntu mutshimbakane, mutshimbakane awu mufike munda nansha museke, muntu wa meji kena upeta dikisha to.