Nsumuinu 18:12 - MUKANDA WA MYIDI MUKULU

¹² Bantu badi baditambisha nebabutuke. Udi udipuekesha neapete lumu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mutshima wa kudisua udi uya ku mpala kua dibutuka; kudihuekesha kudi kuya ku mpala kua butumbi.

Nsumuinu 18:12 교차 참조

1 Bakalenga 3:7

Eyowa, Maweja-Nangila Mvidi Mukulu wanyi, wewe ke udi mumpe bukalenga bua kupingana tatu wanyi Davide. Kadi, meme ntshidi amu nsongalume. Tshiena mumanye mua kulombola bantu to.

Nsumuinu 11:2

Muntu udi uditambisha nebamupetule, kadi muntu wa meji udi udipuekesha.

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yezekiyele 28:2

— Muntu, umanyishe mukalenga wa bena Tire bindi meme Maweja-Nangila mmuambila ne: “Muoyi webe uvua ulunduka ne ditambisha. Uvua wamba ne:

Yezekiyele 28:9

Padibu bafika bua kukushipa, newambe kabidi ne: ndi mvidie anyi? Udi muntu patupu! Bumvidie buebe kabuakumueneka diba didi bashipianganyi bakakuata.

Yezekiyele 29:9

Mu Ejipitu nemushale bu mu tshipela, kamuyi bantu. Nebamanye ne: meme ndi Maweja-Nangila. “Wewe uvua muambe ne: musulu wa Nile nguanyi, meme ke udi muwenze.

Danyele 9:20

“Mwa ntendelela amu kutendelela, ntonda mibi yanyi, ne ya bena Izrayele, tshisamba tshianyi. Mwa nsengelela Mvidi Mukulu wanyi bua mukuna wende wa tshijila.

Danyele 9:23

Pauvua mutuadije kutendelela Mvidi Mukulu, Mvidi Mukulu mmuambe bualu. Ndi mufike bua kukuambilabu, bualu Mvidi Mukulu udi mukunange. Udibambe bua kumvua ne kujingulula bualu budi Mvidi Mukulu ukuleja.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”