Nsumuinu 16:10 - MUKANDA WA MYIDI MUKULU

¹⁰ Padi mukalenga wa ditunga wakula mu dina dia Maweja-Nangila, nanku diba didiye ukosa nsambu kena utupakana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Dikosa dia bualu dia tshijila didi ku mishiku ya mukelenge; mukana muandi kamuena mushiha mikenji hakoseye nsambu.

Nsumuinu 16:10 교차 참조

Genese 44:15

Yozefe kubakonka ne: — Nuvua benze nanku bua tshinyi? Kanuena bamanye ne muntu bu mundi emu udi ne bumfumu bua kujandula malu onsu anyi?

Genese 44:5

Bua tshinyi nudi bibe dikopu dia mfumuanyi didiye unuina, ujanduila kabidi ne malu atshi wavua. Nudi benze bibi!”

2 Samuele 14:16

Udi mua kunsungidila mu bianza bia muntu udi ukeba mua kunshipa, kushipa kabidi ne muananyi, kutumusha munkatshi mua tshisamba tshia bantu badi Mvidi Mukulu musungule.”

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

2 Kulondolola 26:16

Kadi, lumu luende luvua lumupeshe ditambisha dia bungi. Ditambisha edi kumufikisha ku kabutu. Kavua kabidi muitabe Mvidi Mukulu wende to. Dituku dikuabu, Uziya kubuela mu nzubu wa Mvidi Mukulu, bua kulambula musenga wa kamonya pa tshilambuilu tshia manananshi.

Misambu 99:4

Batumbishe bukole buebe, wewe mukalenga udi munange buakane. Wewe ke udi muelele bantu mikenji ya nsombelu muimpe, wewe ke udi mujadike buakane, ne bulongolodi mu Izrayele.

Nsumuinu 29:4

Mukalenga udi ukosa nsambu ya bantu bende biakane, udi ubatutshisha dikasa dimpe. Kadi udi ubalambuisha bitadi bipite, udi ubabutula.

Osheya 10:4

Bena Izrayele badi bakula amu kuakula; badi baditshipa mitshipu ya mashimi, batua ndondu. Kadi dikosa diabu dia nsambu, didi bu bisosa bibi bia lulengu, bitoloka mu budimi budibu bamane kusekuna.

Amosa 5:7

Nudi bena diakabi, nuenu badi banyanga bilumbu, bapisha badi babinga, babingisha badi bapila.

Amosa 6:12

Nyama ya tubalu idi mua kunyema lubilu pa mabue anyi? Badi badima mu mbuebue ne bikasu bidi ngombe ikoka anyi? Nudi nuandamuna malu: kulumbuluisha bantu kukadi kubalunga anyi? Kulongolola malu bimpe, kukadi kukengesha bantu bibi!