Nsumuinu 15:2 - MUKANDA WA MYIDI MUKULU

² Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Mukanda wa Nzambi Dihungila Dikulukulu ne Dihungila Dihia-dihia 2003

² Ludimi lua muena meji ludi luhatula lungenyi, kadi mukana mua bahote mudi muhatula buhote.

Nsumuinu 15:2 교차 참조

Misambu 45:1

Musambu wa mu mukanda wa mulombodi wa bena misambu. Muimba ne nzenze. Kasala ka mu mukanda wa misambu wa bena Kora. Musambu wa dinanga.

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Nsumuinu 12:23

Muntu muena lungenyi kena uditambisha bua bidiye mumanye. Kadi batatakane badi baleja butatakane buabu patoke.

Nsumuinu 13:16

Muntu mudimuke udi wela meji bangabanga ne kuenzaye bualu. Kadi batshimbakane badi baleja bupote buabu patoke.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 15:28

Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 16:23

Bantu ba meji badi basunguluja tshia kuamba. Ke mudibu baluisha bantu ne miaku yabu.

Nsumuinu 5:2

Nenku wewe mulame mibelu yanyi, newakule anu pa biudi mumanye.

Muambi 10:14

Muntu mupote udi wakula amu kuakula. Kadi muntu kena mumanye nansha kakese bidi ne bua kuenzeka kumpala kuetu eku. Wamuleja bienzeka panyima pende nnganyi?

Muambi 5:3

Paudi ulaya Mvidi Mukulu bualu, ubukumbajilamu lukasa. Bualu Mvidi Mukulu kena munange bantu batshimbakane to. Nanku kumbaja tshiudi ulaya.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.