Ngalate 6:12 - MUKANDA WA MYIDI MUKULU

¹² Badi basue bua banuteke panshi ku bukole mbantu kaayi? Ke badi bakeba amu bilenga bia panu, batshina bua kababakengeshi bualu bua mutshi mutshiamakane wa Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bonso badi basue didilesha dimpe mu malu a mubidi, badi banuenzesha bua kutengudibua; anu bua kababakengeshi bualu bua mutshi mutshiamakane wa Kilisto.

Ngalate 6:12 교차 참조

Matayi 23:27

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi bafuanangane ne nkita milaba lupemba bimpe. Idi imueneka mimpe ku mesu. Kadi munda muayi mudi muwule tente ne mifuba ya bantu bafue, kabidi ne bintu bibole bia mishindu yonsu.

Matayi 23:28

Nuenu kabidi nudi numueneka bu bimpe kudi bantu, kadi munda muenu nudi amu bena mpala ibidi, ne bena malu mabi.

Matayi 23:5

Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

Matayi 5:10

Bantu badibu bakengesha bua padibu benza tshidi Mvidi Mukulu musue, ke bena diakalenga, bualu Bukalenga bua mu diulu budi buabu!

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Luke 20:47

Kadi badi banyenga bakaji bakamba nzubu ne bionsu bidibu nabi. Pine apu badi batendelela mutantshi mule bua bamueneke bu bantu bimpe. Kadi nebabanyoke bikole bipite!

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Bienzedi 15:1

Bamue bantu batumina ku Yudeya, kufikabu mu Antiyokiya. Bavua balongesha bena ditaba ne: “Kabayi banuteka panshi, mudi mikenji ya Moshe miambe, kanuena mua kupanda to.”

Bienzedi 15:5

Kadi bantu bakuabu ba luseke lua Baparushe bakavua bamane kubuela mu Tshisumbu tshia bena ditaba, kujukabu, bamba ne: — Bateke bantu ba bisamba bikuabu panshi, babambile kabidi bua bakumbaje mikenji ya Moshe.

2 Korente 10:12

Bushuwa katuena ne dikima dia kuditeka mu mulongu umue, nansha dia kudifuanyikija, ne bamue badi badipa lumu nkayabu. Badi bantu batatakane, badi badienzela tshipimu tshia kudipima natshi, badilumbuluisha bobu nkayabu.

2 Korente 11:13

Bantu abu mbapostolu ba dishima, badi badinga bantu, ba-disokoka badileja bu bapostolu ba Kristu.

Ngalate 2:14

Pamvua mumone mu wabu benza malu mabi, adi abengangana ne Lumu lua Disanka, meme kubela Petro kumpala kua bantu bonsu, kunuambila ne: “Wewe, muena Yuda, uvua usomba munemu amu bu bantu ba bisamba bikuabu, kuyi ulonda mikenji ya bena Yuda. Kadi mmunyi muudi musue mpindiewu, bua bantu ba bisamba bikuabu balonde bibidilu bia bena Yuda?”

Ngalate 2:3

Nanku Tite, utudi tukuata nende mudimu, nansha yeye muena Ngreke, ki mbambe bua bamuteke panshi.

Ngalate 5:11

Bana hetu, meme mutshikale mulongeshe bushuwa ne: badi ne bua kunuteka panshi, batshidi bankengesha bua tshinyi? Diba adi Lumu lua Disanka lua Kristu, mupopela pa mutshi mutshiamakane, lundi ndongesha, kaluvua mua kutonda muntu to.

Ngalate 6:13

Bantu aba badi batekangana panshi, kabena balonda mikenji mikuabu. Badi basue bua banuteke panshi, bua bamone mua kuditambisha ne: tuetu ke bavua babenzeje nanku.

Filipe 1:15

Bushuwa bamue ba kudibu badi balongesha Kristu, bualu badi bantekela lubabu, bankebela bilumbu. Kadi bakuabu badi bamulongesha amu ne muoyi muimpe.

Filipe 2:4

Muntu kakebi tshidi tshimusankisha amu yeye. Kadi elayi bonsu meji ku bidi bisankisha bakuabu.

Filipe 3:18

Mvua mumane kunuambila misangu ne misangu, ndi nnuambuluila kabidi mpindiewu ne binsonji ku mesu ne: bantu ba bungi kabena balonda njila muimpe ewu to. Ke mudibu baluisha mutshi mutshiamakane wa Yezu Kristu.

Kolose 2:23

Bushuwa mikenji eyi ya kutendelela batumibue, ya kudipuekesha, ya kukengehsa mubidi, idi imueneka bu ya meji. Kadi kayena ne mushinga nansha mukese, bualu idi isankisha amu bumuntu buetu.