Ngalate 4:17 - MUKANDA WA MYIDI MUKULU

¹⁷ Bantu aba badi banulabidila pambidi. Kadi meji abu kaena mimpe nansha. Badi basue bua numuke kundi, nubalonde amu bobu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Badi banukeba ne lukunukunu, kembua kunuenzela bimpe, kadi badi basue kunusesuisha kutudi, bua nuenu nubakebe bobo.

Ngalate 4:17 교차 참조

Matayi 23:15

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutambakana pa buloba bujima, ne pa mayi manene, bua kupeta muntu udi mua kukudimuna mutshima wende. Kadi panudi bamane kumupeta, nudi numupisha tshibawu tshia kapia ka tshinyangu, tshipite tshienu misangu ibidi.

Rome 10:2

Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

1 Korente 11:2

Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

1 Korente 4:18

Bamue ba kunudi bayua badiela mulu, bela meji ne: Polu kakufika kuetu bua kumonangana netu.

1 Korente 4:8

Nudi nuela meji ne: nukadi ne bionsu binudi nujinga anyi? Nukadi bena biuma anyi? Nuenu nukadi bakalenga, tuetu tushala bantu ba patupu anyi? Mvua musue bua nuikale bakalenga bushuwa, bua tuetu kabidi tudie nenu bukalenga!

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

Ngalate 4:16

Lelu nkadi muena lukuna wenu, bualu ndi muambila malu amu mudiwu anyi?

Ngalate 4:18

Kuidikija bantu nkuimpe, kadi amu bantu badi benza bimpe. Nubidikije diba dionsu, ki ngamu pandi munkatshi muenu!

Filipe 2:21

Bantu bakuabu bonsu badi batata anu bua bidi bibalengelela bobu nkayabu. Kabena bakeba bidi bilengelela Kristu.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.