Ngalate 3:22 - MUKANDA WA MYIDI MUKULU

²² Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Mukanda wa Nzambi Dihungila Dikulukulu ne Dihungila Dihia-dihia 2003

²² Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Ngalate 3:22 교차 참조

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Marke 16:16

Muntu udi witaba, bamutue mu mayi, neapande. Kadi wabenga kuitaba neapete tshibawu.

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Bienzedi 16:31

Polu ne Silase kuandamuna ne: — Itaba Mfumu Yezu. Nanku neupande, wewe ne nzubu webe.

Rome 10:9

Paudi ujadika mukana muebe ku mesu kua bonsu ne: Yezu udi Mfumu, paudi witaba mu muoyi webe ne: Mvidi Mukulu mmumubishe ku bafue, neupande.

Rome 11:32

Bualu Mvidi Mukulu uvua mubueje bantu bonsu mu buntomboji, bua amone mua kubafuila bonsu luse.

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 3:23

Bonsu mbenze malu mabi. Bonsu mbabule butumbi bua Mvidi Mukulu.

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Ngalate 3:17

Ndi musue kuamba ne: Mvidi Mukulu mmufue ndondu ne Abrahame, mumulaye ne: nendame ndondu wanyi ewu. Kupita bidimu nkama inayi ne makumi asatu, mikenji kushisha kufika ku bantu. Nanku mikenji eyi kayena mua kushipa ndondu ewu, nansha kunyanga dilaya dia Mvidi Mukulu.

Ngalate 3:23

Tshikondu tshia kuitaba katshiyi tshianji kufika, tuvua ku bupika bua mikenji, bindile bua njila wa ditaba adi amueneke.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

2 Timote 1:1

Meme Polu, mupostolu wa Yezu Kristu ku disua dia Mvidi Mukulu, mbampeshe mudimu wa kumanyisha bantu muoyi, udi Mvidi Mukulu mulaye badi badisanga ne Yezu Kristu.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

2 Petro 1:4

Ke padiye mutulaye mapa manene a mushinga mukole, bua tuetu, bamane kupeta mapa aa, tumone mua kuepuka majinga mabi a panu, adi atufikisha ku lufu, tudisange ne Mvidi Mukulu udi wa kashidi.

2 Petro 3:13

Kadi tuetu tudi tutekemena bidi Mvidi Mukulu mulaye: ke diulu dipiadipia ne buloba bupiabupia, muaba wasomba bantu bua kuenza amu tshidi Mvidi Mukulu musue. Ke tshitudi bindile atshi.

1 Yone 2:25

Tshivua Kristu mene mulaye bua kutupa, ke muoyi wa kashidi.