Ngalate 3:21 - MUKANDA WA MYIDI MUKULU

²¹ Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mikenshi idi ifuilangana ne milayi ya Nzambi, anyi? Nasha kakese! Bu Nzambi mutuhe mikenshi yakamanya mua kutuhesha muoyo, bulelela, buakane buakadi kufuma ku mikenshi.

Ngalate 3:21 교차 참조

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 3:6

Kabiena nanku nansha! Bualu bu Mvidi Mukulu mua kupila, mmunyi mudiye mua kulumbuluisha bukua panu?

Rome 9:31

Kadi bena tshisamba tshia Izrayele bavua bakeba mikenji ivua mua kubabingisha ku mesu kua Mvidi Mukulu, ki mbapete tshikuabu bipatshila nansha.

2 Korente 3:7

Bayua bafunde mikenji pa mabue ku dileta ku dileta. Diba adi butumbi bua Mvidi Mukulu buvua bukenka. Mpala wa Moshe uvua ubalakana bikole bipite, bena Izrayele kabayi mua kumutangila nansha. Kadi bukenke buvua pa mpala wa Moshe abu buvua amu ne bua kujimina. Pavua mikenji, ivua ne bua kutufikisha ku lufu, imueneka pamue ne butumbi bunene nanku,

Ngalate 2:17

Nanku patudi tuitaba Kristu, bua Mvidi Mukulu atubingishe petu, bidi bimueneka se: tuetu bena Yuda kabidi, tudi benji ba malu mabi, amu bu bantu ba bisamba bikuabu. Nanku Kristu mmuanyishe malu mabi anyi? Nansha kakese!

Ngalate 2:19

Kadi bua bidi bitangila mikenji, ndi mufile lufu lunkebela kudi mikenji mene, bua ngikale ne muoyi bualu bua Mvidi Mukulu. Ndi mulue pamue ne Kristu ku mutshi mutshiamakane.

Ngalate 2:21

Tshiena mubenge bua Mvidi Mukulu annange nansha. Kadi pikala Mvidi Mukulu utubingisha, bualu tudi tukumbaja mikenji, nanku Kristu kavua ne bua kufua nansha.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 7:18

Nenku mbashipe mukenji wa kale, bualu kauvua ne bukole, kauvua ulengelela bantu.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.