Ngalate 3:19 - MUKANDA WA MYIDI MUKULU

¹⁹ Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku mikenshi Idi bua tshinyi? Mikenshi yakatentekeshibua ha mutu bualu bua malu mabi a bantu, tô ne hakalua kankanunuina ka Abalahama kakalayidilabo mulayi; wakalongolodibua kudi banjelo ku tshianza tshia mutuanganyi wa tshihungidi.

Ngalate 3:19 교차 참조

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Lewitiki 15:32

Mikenji eyi idi itangila muntu mulume udi ne disama dia tufina, nansha udi ne biana bipatuka mu butaka, bimupisha mikiya.

Luke 16:31

Kadi Abrahame kumuambila ne: “Pikalabu babenga kuteleja Moshe nansha bambi, muntu nansha yeye mubiike ku bafue, kabena mua kumuitaba to.”

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 15:22

Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Bienzedi 7:53

Mvidi Mukulu kunutumina mikenji yende kudi batumibue bende. Kadi kanuena bayikumbaje to!

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Rome 4:15

Bualu mikenji idi ijudija Mvidi Mukulu tshiji. Kadi muaba udi kauyi mikenji, dibenga kuitaba mikenji kadienaku to.

Ngalate 3:16

Kadi Mvidi Mukulu mene mmulaye Abrahame, mulaye kabidi muntu wa ku ndelanganyi yende. Mikanda ya tshijila kayena yamba ne: “mmulaye ndelanganyi yende,” bu idi itela bantu bavule. Idi yambane: “mmulaye muntu wa ku ndelanganyi yebe.” Nanku idi itela amu muntu umue, ke Kristu.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Dielulula 5:5

Musangu awu, meme Moshe mvua muimane pankatshi penu ne Maweja-Nangila, bua kunumanyisha bionsu bivuaye wamba. Kanuvua basue kubanda ku mukuna to, bualu nuvua nutshina kapia aku. Ke Maweja-Nangila kunuambila ne:

Ebrewu 2:2

Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.

Ebrewu 2:5

Bualu Mvidi Mukulu kena mupeshe batumibue bende bumfumu bua buloba butshidi kumpala butuvua batele to.