Nehemya 9:37 - MUKANDA WA MYIDI MUKULU

³⁷ Ditunga didi ne biakudia bia bungi, kadi bidi bisankisha nangananga bakalenga, bavua batubueje mu bupika bua bubi buetu. Badi benza netu, kabidi ne biuma bietu, amu bu mudibu basue. Bushuwa, tudi mu dikenga dinene!”

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Budi bulua ne bintu bia bungi kudi bakelenge bawakateka ku mutu kuetu bua malu mabi etu; bobo badi ne bukokeshi bua mibidi yetu ne bua bimuna bietu, bu mudi disua diabo, ne tuetu tudi mu dikenga dikole.

Nehemya 9:37 교차 참조

Ezela 4:13

Kadi, Mukalenga, umanye ne: padi bena tshimenga etshi batshiasulula, babandisha bimana biatshi, nebalekele kulambula bitadi, nansha biobi bia mushindu kaayi. Nanku nebakepeshe bikole bungi bua biuma bidi bibuela mu mushete wa mukalenga munene.

Ezela 6:8

Ndi nnuambila bua nuambuluishe bakulu ba bena Yuda bua kuenzulula nzubu wa Mvidi Mukulu. Nuikale nubafuta makuta onsu, pa bionsu bidibu batula bua nzubu ewu, bua mudimu uye anu kumpala. Makuta awu nga mu mushete wa bubanji bua mukalenga, anudi nupeta ku bitadi bidi bantu balambula mu buloba buenu.

Ezela 7:24

Tudi tumanyisha kabidi balami ba bibutshilu ne: kabena mua kulambuisha batuangaji, bena Levi, bena misambu, balami ba ku biibi, bena midimu mikuabu ba mu nzubu wa Mvidi Mukulu bitadi nansha milambu mikuabu to.

Nehemya 5:8

Meme kubambila ne: — Tuetu kuenza muetu muonsu, kupikula bana betu bena Yuda bavua badisumbisha bu bapika kudi bantu benyi. Kadi nuenu mpindiewu bena Izrayele, nukadi nupanangana nkayenu mu bupika! Bantu bonsu kupuwa.

Muadi 5:5

Badi batukengesha badi batulonda. Tudi bapungile, kadi katuena ne dikisha to.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Yowanane 8:33

Bobu kumuandamuna ne: — Tuetu tudi ndelanganyi ya Abrahame. Katuena banji kuikala bapika ba muntu nansha. Mmunyi muudi utuamba ne: Nenuikale bantu badikadile?

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Dielulula 28:39

Nenukune mitshi ya mvinyo, nuyilame bimpe. Kadi kanuakunua maluvu ayi, kanuakupola nansha tumuma. Bualu nebatudie kudi meshi.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Dielulula 28:51

Nebanyenge bimuna bionsu, ne biakudia bionsu binuvua banowe: ntete ya kuenza bukula, maluvu a mvinyo, mafuta, too ne bana ba ngombe, ba mikoku ne ba mbuji. Nenufue, nubutuke bonsu ne nzala.