Nehemya 9:35 - MUKANDA WA MYIDI MUKULU

³⁵ Ku luse luebe, bavua ne bintu bivule mu ditunga diabu, bavua badishikamine mu makalenga abu, bavua basombe mu ditunga dimpe dialabale. Kadi kabavua basue kukuenzela mudimu, kabavua balekele malu abu mabi.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Bobo kabakakukuatshila mudimu mu bukelenge buabo, ne mu buimpe buebe bunene buwakabaha ne mu buloba bunene buakane buwakafila ku mpala kuabo, kabakalekela malu mabi abo.

Nehemya 9:35 교차 참조

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Nehemya 9:34

Kadi bakalenga betu, ne bamfumu betu, batuangaji betu, ne bankambua betu, kabena banemeka mikenji yebe. Bavua babenge meyi ebe, too ne mibelu iuvua ubabela nayi.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”

Yezekiyele 5:6

Bena tshimenga etshi mbabenge meyi ne mikandu bimvua mubambile. Bavua benza kabidi bibi bivua bena mutumba nabu kabayi mua kuenza. Badi bantu ba muoyi mubi, bapite matunga avua mabanyungulukile ku bubi. Bualu kabena bitabe ku mikenji yanyi, mbabenge kulonda meyi anyi.

Dielulula 28:47

Panuapeta bintu bia bungi, kadi kanuyi nuenzela Maweja-Nangila Mvidi Mukulu wenu, mudimu ne disanka, ne muoyi wenu mujima,

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Dielulula 31:21

Bena Izrayele nebapete ntatu ne makenga makole. Kadi meyi a musambu ewu neanusonguele. Bualu ndelanganyi yonsu ya bena Izrayele neikale imba anu musambu ewu. Meme ndi mumanye meji adi bena Izrayele nawu mpindiewu, tshiyi muanji kubafikisha mu ditunga dimvua mubalaye.