Nehemya 9:30 - MUKANDA WA MYIDI MUKULU

³⁰ Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Nehemya 9:30 교차 참조

2 Bakalenga 18:11

Mukalenga wa bena Ashure kukuata bena Izrayele, kuya nabu ku Ashure, kubapeshaye miaba ya kuasa mu buloba bua Ala, bua Ngozane, ne muaba uvua musulu wa Abore, ne mu bimenga bia Madayi.

2 Bakalenga 21:10

Pashishe, Maweja-Nangila kutuma bambi, bantu bende ne:

2 Kulondolola 24:19

Pashishe, Mvidi Mukulu kubatumina bambi bua bababele, bua bapingane kudiye. Kadi, muntu nansha umue kavua muteleje bambi abu to.

Ezela 9:10

“Kadi mpindiewu, Mvidi Mukulu wetu, bambe tshinyi bua bidi bibenzekela ebi? Kabena bitabe meyi ebe,

Nehemya 9:20

Wewe kubapesha Mueyelu webe, bua bapete meji mempe. Wewe kubapesha kabidi biakudia ne mayi, bua kutuyisha nzala ne nyota yabu.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Yeshaya 28:10

Umvuayi mudiye ukukumina ne: B-A-BA, B-A-BA, B-E-BE, B-E-BE; ku dileta ku dileta, ku muaku ku muaku.”

Yeshaya 42:24

— Uvua mufile bena Izrayele, tshisamba tshia Yakobe, kudi bantu bua babapawule, babanyenge bintu biabu, nnganyi? Maweja-Nangila ke uvua muenze nanku. Yeye utuvua badiombole. Izrayele kavua musue kulonda njila uvua Mvidi Mukulu mumuleje. Kavua muteleje diyi diende.

Yeshaya 48:9

Kadi bu mundi Mvidi Mukulu, tshiena mua kulonda tshiji tshianyi. Ndi musue bua bantu banemeke dina dianyi. Ke mundi nnufuila luse. Tshiena musue kunubutula.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yirmeya 25:4

Maweja-Nangila uvua unutumina amu kunutumina bambi bena mudimu bende, kadi kanuena babateleje nansha. Kanuvua bateya matshi bua kumvua tshivuabu bamba.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Yirmeya 44:5

Kadi kanuena banteleje, kanuena bangata mibelu yabu ne mushinga, kanuena balekele kuenza malu mabi, nansha kulambula milambu kudi mvidie ya bantu ba bisamba bikuabu.

Yirmeya 7:25

Biangatshile difuku divua bankambua benu bapatuke mu Ejipitu too ne mpindiewu, meme Maweja-Nangila ndi amu nnutumina bambi bena mudimu banyi ku dituku ku difuku.

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Danyele 9:6

Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Zekâya 7:12

Kupapishabu muoyi wabu bu dibue dia mbonge. Kabavua basue kumvua malongesha a Maweja-Nangila wa bukole buonsu, avua Mueyelu wende muakuile kale mukana mua bambi. Nanku Maweja-Nangila kufika munda bikole,

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Dibadika 11:26

Ku bantu makumi muanda mutekete abu, bantu babidi, Eldade ne Medade, bavua bashale ku mitanda. Kabavua baye ku ntenta wa kusambakena to. Kadi kupetabu pabu Mueyelu wa Mvidi Mukulu. Kubangabu kuakula bu bambi munkatshi mua mitanda.

Bienzedi 13:18

Uvua mubalame bidimu bu makumi anayi mu tshipela.

Bienzedi 28:25

Bu muvuabu kabayi basue kumyuangana, bakavua bakeba kutangalaka. Ke Polu kubambila amu ne: — Miaku ivua Mueyelu wa Tshijila muambile bankambua benu mukana mua muambi Yeshaya, ivua pa bualu!

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Rome 2:4

Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

1 Petro 1:11

Bavua bakeba kumanya mushindu ne diba bivua bionsu, bivua Mueyelu mubambile, mua kuenzeka. Bualu Mueyelu, uvua ukuata mudimu munda muabu, uvua mudianze kubamanyisha makenga a Kristu, ne lumu luvuaye ne bua kupeta pashishe.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.