Nehemya 9:14 - MUKANDA WA MYIDI MUKULU

¹⁴ Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ wewe wakabamanyisha dituku diebe dia Lumingu lua tshijila; wakabelela mikenji yebe ne mei ebe ne mikandu yebe kudi Mose muntu webe,

Nehemya 9:14 교차 참조

Genese 2:3

Dituku dia muanda muteketa kushala diende dia tshijila, bualu ndituku divuaye muikishe kunyima kua midimu yende ya Mufuki.

Nehemya 1:8

Uvuluke meyi ebe avua Moshe mutuambile ne: “Nuenu kanuyi bangitabe ne muoyi umue, nennutangalaje munkatshi mua bisamba bikuabu.

Nehemya 10:32

Dituku dia Dikisha, nansha dia tshibilu, pikala bantu aba basue kusumbisha ntete ya kuenza bukula, nansha bintu biabu bia mu madimi, katuena tubisumba to. Pashishe, netulekele kudima tshidimu tshia muanda mutekete, netulekelangane kabidi mabanza.

Ekesode 16:23

Moshe kubandamuna ne: — Maweja-Nangila mmumane kuamba ne: malaba ndituku dia kuikisha, dia tshijila dia Maweja-Nangila. Nanku nulambe biakudia munudi basue. Pikalabi bishale, nubilame bua kudia malaba.

Ekesode 16:29

Nuvuluke ne: ndi munupeshe dituku dia muanda mutekete bua dikale dia dikisha. Ke pandi munupeshe muladilu wa dituku adi, biakudia bikumbane bua nuenu kudia matuku abidi. Nanku, lekelayi kuendakana dituku dia muanda mutekete. Muntu yonsu asombe ku mbelu kuende.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.

Yezekiyele 20:12

Mvua muele diyi kabidi bua banemeke dituku dia Dikisha, bua kuleja diumvuangana didi pankatshi panyi nabu, bua kubavuluija kabidi ne: meme Maweja-Nangila ndi mubajidile bua bangenzele mudimu.

Yezekiyele 20:20

Nujidile dituku dianyi dia Dikisha bua kuleja mutudi batue nenu ndondu, ne bua nuenu kuvuluka ne: meme ndi Maweja-Nangila Mvidi Mukulu wenu.

Lewitiki 19:3

“Muntu yonsu wa kunudi anemeke tatuende ne mamuende, kabidi anemeke dituku dia Dikisha. Bualu Meme ndi Maweja-Nangila Mvidi Mukulu wenu.

Lewitiki 27:34

Nenku ke mikenji ivua Maweja-Nangila mumanyishe Moshe pa mukuna wa Sinayi, bua ambile bena Izrayele.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Dielulula 4:45

Kumanyishaye bena Izrayele, bamane kumuka mu Ejipitu, bionsu bivua Maweja-Nangila musue: meyi ne mikandu, kabidi ne mikenji.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 5:31

Kadi wewe Moshe ushale pabuipi nanyi, bua nkuambile meyi ne mikenji bionsu bia kumanyisha bena Izrayele, bua babikumbaje mu ditunga dindi mbapesha.”