Nehemya 9:13 - MUKANDA WA MYIDI MUKULU

¹³ Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wewe wakumuka ku mukuna wa Sinai, wakahueka mu tshibanda, wakuakula nʼabo mu diulu, wakabaha mei majalame ne mikenji milelela ne mayisha mimpe ne mikandu,

Nehemya 9:13 교차 참조

2 Bakalenga 17:37

Matuku onsu, nutumikile meyi anyi, mikandu yanyi, ne mikenji yanyi yonsu imvua munufundile nuenu nkayenu, nangananga kanuena mua kutendelela mvidie mikuabu to.

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Misambu 119:137

Maweja-Nangila, udi muakane, mapangadika ebe adi makane.

Misambu 119:160

Muaku onsu uudi wamba, udi amu pa wowo, mapangadika ebe onsu adi makane, adi kabidi bua kashidi.

Misambu 119:4

Wewe Maweja-Nangila, udi mumanyishe bantu mikenji yebe, bua bayilame.

Ekesode 16:23

Moshe kubandamuna ne: — Maweja-Nangila mmumane kuamba ne: malaba ndituku dia kuikisha, dia tshijila dia Maweja-Nangila. Nanku nulambe biakudia munudi basue. Pikalabi bishale, nubilame bua kudia malaba.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Ekesode 20:1

Mvidi Mukulu kuakula, wamba ne:

Ekesode 20:22

Nanku, Maweja-Nangila kutuma Moshe kabidi bua kuambila bena Izrayele ne: — Nuadimuenyi nkayenu mundi nyukila nenu, meme muikale mulu.

Yeshaya 64:1

Pueka ne bukole bu kapia kadi kuosha nkunyi, kasabisha mayi. Nanku neuleje baluishi bebe bonsu, muudi Mvidi Mukulu bulelela! Bukua matunga nebuzakale kumpala kuebe,

Yeshaya 64:3

Katshia kabena banji kumvua bamba, ki mbanji kumanya, mesu katshia ki mmamone mvidie mukuabu udi wambuluisha, bantu badi batekemena kudiye, muudi wewe ubambuluisha.

Abakuke 3:3

Mvidi Mukulu udi utumina ku Temane, Mvidi Mukulu wa tshijila udi upueka ku mikuna ya Parane. Diulu ndiwule tente ne buneme buende, buloba tente ne lumu luende.

Rome 7:16

Pandi ngenza bindi tshiyi musue kuenza, ndi ngitaba ne: mikenji mmimpe.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 4:8

Ku bisamba bionsu, nansha bidi ne bantu bapite bungi, kakuena tshisamba tshidi ne mikenji mimpe, bu idi mu mukanda wa mikenji undi nnuleja lelu ewu.

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.