Nehemya 8:17 - MUKANDA WA MYIDI MUKULU

¹⁷ Bantu bonsu bavua bafume ku bupika, kuasabu tuzubu tua bisasa, kusombamu. Matuku awu awa a disanka dinene. Bualu bena Izrayele kabawa banji kuenza kabidi tshibilu atshi, bituadije ku tshikondu tshia Yeshuwa, muana wa Nune.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bantu bonso bakadi bafume mu buhika bakenza bitandatanda, bakashikama mu bitandatanda; bualu bua Bena Isalele kabakanza kuenza nunku ku matuku a Yoshua, muana wa Nuna, tô ne ku dituku edi. Bakadi ne disanka dinene be.

Nehemya 8:17 교차 참조

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

2 Kulondolola 30:26

Disanka dia tshibilu edi divua dipite bunene. Nangananga bena mu Yerushalayime, ke bavua basanka bikole. Bualu biangatshile mu tshikondu tshia Shelomu, muana wa Davide, mukalenga wa Izrayele, kabavua banji kuenza kabidi tshibilu tshia mushindu ewu mu tshimenga to.

2 Kulondolola 35:18

Bena Izrayele kabavua banji kuenza kabidi tshibilu tshia Dipita dia Maweja-Nangila tshia mushindu ewu, katshia biangatshile ku tshikondu tshia muambi Samuwele. Mukalenga wa bena Izrayele nansha umue kavua muanji kulongolola tshibilu tshia mushindu ewu, bu muvuabu balongolole kudi Yoshiya, bamuambuluishe kudi bena Levi, bena Yerushalayime, bena Yuda ne bena Izrayele bakuabu bavua muaba awu.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Ezela 3:4

Pashishe, bena Izrayele kuenza tshibilu tshia tuzubu tua Bisasa, bu mudibu bafunde. Bavua balambula milambu ya kuosha bungi bukumbane ku dituku dionsu.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Dielulula 16:15

Nuenze tshibilu etshi matuku muanda mutekete, bua kutendelela Maweja-Nangila Mvidi Mukulu wenu. Nutshienzele anu muaba wikalaye musungule. Nusanke bikole, bualu Maweja-Nangila neanuvudijile biakudia bia bungi mu madimi enu. Neanusankishe kabidi mu bionsu binudi nuenza.

Ebrewu 11:13

Bantu bonsu aba, mbafue mu ditaba. Kabavua bapeta bivua Mvidi Mukulu mubalaye. Kadi bavua babimone, bisankisha pa bule, bamba ne: tudi bena tshimuangi ne bena luendu pa buloba.

Ebrewu 11:9

Amu bua ditaba, kusombaye bu muenyi mu ditunga divua Mvidi Mukulu mumulaye. Kusombaye mu nzubu ya ntenta ne Izake kabidi ne Yakobe, bavua bapeta dilaya dia momumue kudi Mvidi Mukulu.

Ebrewu 4:8

Bualu, bu Yoshuwa mupeteshe bantu muaba wa kuikisha ewu, Mvidi Mukulu kavua mua kutela kunyima kua bidimu dituku dikuabu.

Yoshua 1:1

Moshe, muntu wa Maweja-Nangila, mumane kufua, Maweja-Nangila kuambila Yoshuwa, muana wa Nune, uvua wambuluisha Moshe ne: