Nehemya 8:10 - MUKANDA WA MYIDI MUKULU

¹⁰ Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe yeye wakabambila ne, Yai bienu kuenu, nudie bintu bia manyi, mume bintu bidi bishemakane, nutumine bantu badi hatuhu bintu bia kudia; bualu bua edi ndituku dia tshijila kudi Mukelenge wetu; kanunyingalashi mitshima yenu, bualu bua disanka dia Yehowa mbukole buenu.

Nehemya 8:10 교차 참조

1 Bakalenga 8:66

Dituku dia muanda mukulu, mukalenga Shelomu kutangalaja bena Izrayele. Kupinganabu ku nzubu yabu. Bena Izrayele bonsu kuya kulayangana ne mukalenga Shelomu bamuela tuasakidila. Pashishe, kupinganabu kuabu ne disanka, bualu Maweja-Nangila uvua muenzele muntu wende Davide bimpe, kabidi ne bantu bende bena Izrayele.

1 Kulondolola 16:27

Ke padiye ne butumbi ne bumfumu, muaba udiye mmuwule ne lumu, kabidi ne disanka.

Nehemya 8:11

Nanku, bena Levi kutuyisha bantu bonsu, bamba ne: — Shalayi talalaa! Lelu ndituku dia tshijila dia Mvidi Mukulu. Kanubungami to!

Nehemya 8:12

Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Estere 9:19

Ke padi bena Yuda badi basomba ku misoku ya ku mpenga basungula dituku dia dikumi ne dinayi dia ngondu wa Adare, bua kuikalabu benzenza bibilu ne batuminangana bintu bia masanka.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Misambu 149:2

Izrayele, usanke, bualu Maweja-Nangila udi mukufuki webe. Bena Siyone nusanke, bualu udi mukalenga wenu.

Misambu 89:17

Badi badianyisha bualu udi Mvidi Mukulu wabu, badi baditumbisha matuku onsu, bua muoyi webe umue.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Muambi 3:13

Pikala muntu mua kudia, kunua ne kusanka ne bia ku mudimu wende, ndipa dia kudi Mvidi Mukulu.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 49:5

Mpindiewu, Maweja-Nangila udi ungambila nuwuaye mumfumbe, pantshivua munda mua mamuanyi, bua ngikale muena mudimu wende. Udi musue bua mpingaje ndelanganyi ya Yakobe kudiye, bua mmusangishile tshisamba tshia Izrayele. Nanku Maweja-Nangila udi mumanye bulenga bua mudimu wanyi. Amu Mvidi Mukulu udi umpesha bukole.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yowele 2:23

Nuenu badi basomba mu Siyone, sankayi bualu bua Maweja-Nangila Mvidi Mukulu wenu, udi unulokeshila mvula mbedi unuvua nukengela, unulokeshila mvula ya bungi pa bikondu biayi, muvuaye munuenzele kale.

Zekâya 14:21

Ngesu yonsu idi mu Yerushalayime, ne mu ditunga dia Yuda, neyikale bintu bia tshijila bia Maweja-Nangila wa bukole buonsu. Bantu bonsu badi bavua kufila milambu yabu, nebangate ngesu ayi, bua kuipikilamu minyinyi ya milambu. Pafika dituku adi, kakuakuikala ngenda mushinga kabidi mu nzubu wa Maweja-Nangila wa bukole buonsu.

Luke 11:41

Peshayi bapele bidi mu makopu ne mu malongu enu. Nanku malu enu onsu neakane!

2 Korente 8:2

Makenga a bungi avua makuate bena ditaba aba, abateta. Kadi bavua amu ne disanka dipite. Ke muyuabu bafile bintu ne kalolu, nansha bobu mene nabi bikese.

Filipe 3:4

Kadi meme kabidi mvua mua kuditemba ku bivua bantu bangenzela. Pikala muntu musue kuditemba ku bia nanku, ndi mua kuditemba mumupite yeye.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.

1 Samuele 25:8

Udi mua kubakonka, Nebakujadikile. Davide udi nkusengelela bua utuakidile bimpe matuku a tshibilu aa, bualu tudi benyi bebe. Nanku, tuetu ne muena mudimu webe Davide, ubipeshe tshintu tshionsu tshiudi natshi.”