Nehemya 7:65 - MUKANDA WA MYIDI MUKULU

⁶⁵ Mulombodi wa buloba nkayende kubakandika bua kudia bintu bitambe tshijila, too ne pikala mutuangaji mujadike bualu ebu ku Urime ne Tumime.

Mukanda wa Nzambi Dihungila Dikulukulu ne Dihungila Dihia-dihia 2003

⁶⁵ Gouverneur wakabambila ne, Kanuena mua kudia bintu bia tshijila anu bimana muakuidi ne Ulima ne Tumima bua kukonka.

Nehemya 7:65 교차 참조

Ezela 2:63

Mulombodi wa ditunga mene, kubakandika bua kabadi bintu bia tshijila menemene, too ne pikala mutuangaji mujadike bualu ebu ku Urime ne Tumime.

Nehemya 10:1

Bua malu onsu avua matuenzeke, tuetu bena Izrayele, tuetu kumyuangana kushindika bualu, kubufunda mu mukanda. Bamfumu, bena Levi, ne batuangaji betu, kufunda mena abu mu mukanda awu, kutua tshitampi.

Nehemya 7:64

Bavua bakeba biakane mu mikanda mena a bankambua babu bapange. Nanku, kubakandikabu mudimu wa butuangaji, bualu bavua babatangila bu bantu badi ne mikiya.

Nehemya 7:66

“Bena Izrayele bavua bafume mu bupika bapingane muabu, bavua bantu 42.360.

Nehemya 7:70

Bamfumu ba meku bavua bafile nkanu 20.000 ya mpawungi, tshiamu tshitoke tshia mushinga mukole kilo 1.100.

Nehemya 8:9

Bantu bonsu kudila muadi pa kumvua mikenji eyi. Nanku Nehemya mulombodi wa buloba abu, Ezra, mutuangaji mumanyi mupiluke wa mikenji, ne bena Levi bavua bumvuija mikenji, bavua babambila ne: — Lelu ndituku dia tshijila dia Maweja-Nangila Mvidi Mukulu wenu. Kanuena mua kubungama, nansha kudila to.

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Lewitiki 2:10

Bukula bua ku mulambu budi bushale, babuangate anu kudi Arone ne bana bende ba balume. Bualu ntshitupa tshia tshijila menemene, bualu ntshia ku mulambu uvuabu balambula Maweja-Nangila.

Lewitiki 2:3

Bukula bua mulambu budi bushale babuangate anu kudi Arone ne bana bende ba balume, bualu ntshitupa tshia tshijila menemene, tshia ku mulambu uvuabu balambula Maweja-Nangila.

Lewitiki 6:17

Maweja-Nangila kuambila Moshe,

Lewitiki 8:8

Kumuladika tshilamba tshia pa tshiadi, kubuejamu Urime ne Tumime.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Dielulula 33:8

Moshe kuela ndelanganyi ya bena Levi lupemba, wamba ne: “Maweja-Nangila, udi mupeshe batuangaji, ndelanganyi ya Levi, Urime ne Tumime, bintu bia tshijila, bualu badi bakuitaba muabu muonsu. Uvua mubatete ku Masa, mubabingishe ku mayi a Meriba.