Nehemya 7:64 - MUKANDA WA MYIDI MUKULU

⁶⁴ Bavua bakeba biakane mu mikanda mena a bankambua babu bapange. Nanku, kubakandikabu mudimu wa butuangaji, bualu bavua babatangila bu bantu badi ne mikiya.

Mukanda wa Nzambi Dihungila Dikulukulu ne Dihungila Dihia-dihia 2003

⁶⁴ Bobo bakakeba mena abo mu mikanda ya kulondolola kua bankambua, kadi kabakâsangana; nunku bakadi banyanguke, bakumushibua ku mudimu wa buakuidi.

Nehemya 7:64 교차 참조

1 Kulondolola 9:1

Kufundabu mena a bena Izrayele bonsu mu mukanda wa Bakalenga ba Izrayele, balondangane ku diku ku diku. Bena Yuda kutombokela Mvidi Mukulu. Nanku kubakuatabu, kuya nabu ku Babilone.

Nehemya 13:29

“Eyi, Mvidi Mukulu wanyi, vuluka kashidi muvuabu bapepeja nanku mudimu wa batuangaji, banyanga ndondu uuvua mutue ne batuangaji kabidi ne bena Levi.”

Nehemya 7:5

Mvidi Mukulu wanyi kumpesha meji, meme kubikidisha bakulu, balombodi ba ditunga, ne bantu bakuabu ba mu tshimenga, bua kubala bungi buabu. Meme kubala mukanda uvua ne mena a bena Yuda bavua badianjile kufuma mu bupika, bapingane mu Yerushalayime. Mukanda bavua baufunde nenku:

Nehemya 7:63

“Kabidi batuangaji bakuabu ba ku ndelanganyi ya Obaya, ya Akose, ne ya Barzilayi, kabavua mua kujadika meku a bankambua babu. (Barzilayi uvua ne dina edi, bualu uvua musele muana wa bakaji wa Barzilayi muena Ngilaade.)

Nehemya 7:65

Mulombodi wa buloba nkayende kubakandika bua kudia bintu bitambe tshijila, too ne pikala mutuangaji mujadike bualu ebu ku Urime ne Tumime.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.