Nehemya 6:13 - MUKANDA WA MYIDI MUKULU

¹³ Bavua bamupe makuta bua tshinyi? Anu bua meme kuikala ne bowa, kulonda meyi abu, kupia tshibawu. Ke muvuabu mua kunyanga lumu luanyi, kumfuisha bundu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bakamuha mbueshilu bua kuntshinyisha bua meme kuenza bualu ebu bubi bua bobo bikale ne lumu elu lubi lua kunfuisha nʼalu bundu.

Nehemya 6:13 교차 참조

Nehemya 6:12

Meme kumona bimpe ne: kena ungambila malu a kudi Mvidi Mukulu to. Kadi Tobiya ne Sanebalate mbamupeshe makuta, bua kungambilaye malu awu.

Nehemya 6:6

Mu mukanda bavua bafunde ne: “Ngesheme wangambidi ne: bantu ba bisamba bikuabu badi bamba ne: wewe Nehemya, ne bana benu, nudi nukeba kutomboka. Ke paudi wibakulula tshimana etshi. Badi bamba kabidi ne: udi musue kushala mukalenga.

Nsumuinu 22:1

Mbimpe kuikala ne lumu luimpe, pa mutu pa kuikala ne biuma bia bungi. Mbimpe bantu bakuanyishe pa mutu pa wewe kupeta mpawungi ne tshiamu tshitoke tshia mushinga mukole.

Nsumuinu 29:5

Muntu udi ulabidila balunda bende, udi uditeya bukondu mu njila yeye nkayende.

Muambi 7:1

Lumu luimpe ndupite manananshi a mushinga mukole. Dituku dia lufu lua muntu ndipite dituku di wabu bamulele.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Yezekiyele 2:6

Wewe Yezekiyele, kubatshinyi, kutshinyi nansha bidibu bamba to. Nebakukandike bua kuakula. Neusombe munkatshi mua meba a mingonga, ne mua tuminyiminyi. Kadi, kutshinyi miaku ya bantu aba, nansha bidibu benza, bualu mbantu ba tshitunu.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Matayi 22:15

Diba adi Baparushe kubuela mu tshipangu, kushindika mua kukuata Yezu mu buteyi ku miaku yende.

Matayi 26:59

Bamfumu ba batuangaji ne bena Tshipangu tshikulu bonsu, bavua bakeba bualu bua dishima bua kudingila Yezu, bua bamone mua kumufundila tshibawu tshia lufu.

Bienzedi 6:13

Kubilabu kabidi bantu bavua bamushiminyina malu, bamba ne: — Muntu ewu udi amu usendeka nzubu wetu wa tshijila, ne mikenji ya Moshe!

2 Korente 11:12

Nengenze amu mundi ngenza mpindiewu. Bualu tshiena musue bua bapostolu benu ba kalanda musenga abu bambe ne: “Tudi tukuata mudimu mushindu wa momumue ne Polu.”

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

2 Timote 1:7

Bualu Mueyelu, utudi bapete kudi Mvidi Mukulu, kawena utuenza bantu badi ne buowa nansha. Kadi Mueyelu wende udi utupa bukole, dinanga, ne meji.

Tite 2:8

Akula miaku amu milenga, idibu kabayi mua kudiwula. Nanku baluishi bebe nebafue bundu, bualu kabena bapeta bualu bubi bua kutujana nabu.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.