Nehemya 6:11 - MUKANDA WA MYIDI MUKULU

¹¹ Meme kuandamuna ne: — Meme tshiena mua kunyema to! Kabidi muntu bu mundi emu, ndi mua kubuela muaba wa tshijila kushala ne muoyi anyi? Nansha kakese. Tshiena mua kubuelamu to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nakamba ne, Muntu bu meme udi ne bua kunyema bua tshinyi? Nganyi udi bu meme neanyemene mu ntempelo bua kusungila muoyo wandi? Tshiena nyamu nansha.

Nehemya 6:11 교차 참조

Nehemya 6:12

Meme kumona bimpe ne: kena ungambila malu a kudi Mvidi Mukulu to. Kadi Tobiya ne Sanebalate mbamupeshe makuta, bua kungambilaye malu awu.

Nehemya 6:3

Kadi meme kubandamuna ne: — Ndi ne mudimu wa bungi. Tshiena ne mushindu wa kumonangana nenu. Meme mumuke bua kumonangana nenu, mudimu kawena utungunuka to.

Nehemya 6:9

Bionsu abi, Sanebalate ne Ngesheme bavua babienza bua binkuatshisha bowa. Bavua bakeba mua tuetu kuteketa mu maboku, kulekela mudimu. “Eyi, Maweja-Nangila ungambuluishe mu mudimu ewu.”

Misambu 112:6

Bualu kena mua kutekankana tshiendelele, nebavuluke muntu muakane matuku onsu.

Misambu 112:8

Udi ne muoyi mukole, kena ne bowa, too ne padiye umona batshimuna baluishi bende.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Muambi 10:1

Njiji mifue idi ibolesha kalangi kajima ka manananshi. Nenku butshimbakane bukese budi bunyanga meji ne lumu bidi muntu nabi.

Yeshaya 10:18

Neavingutule ditu dijima, ne mitshi ya bimuma yonsu. Ne bikale bu muntu munyane ne disama.

Dibadika 3:10

Neupeshe Arone ne bana bende nkayabu mudimu wa butuangaji. Muntu mukuabu muenze mudimu awu kayi mutuangaji, nebamushipe.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 21:13

Kadi yeye kutuandamuna ne: — Nudi nudila, nukeba kuntekesha mu maboku bua tshinyi? Meme ndi nganyisha ki amu bua bansuike mionji, apu kabidi ne bua kutuila Mfumu Yezu mu Yerushalayime.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Filipe 2:30

Bualu uvua wamba kufua bua mudimu wa Kristu. Uvua mudiele mu njiwu ya lufu, bua kungenzela mudimu unuvua nuenu kanuyi mua kunkuatshila.

Ebrewu 11:27

Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.

1 Samuele 19:5

Uvua mua kufua mu mvita iwaye uluangana ne Ngoliyate muena Peleshete. Dituku adi, Maweja-Nangila kuambuluisha bena Izrayele, kutshimunabu bena Peleshete bikole. Wewe uvua mumone bionsu abi, wewe kusanka bikole. Kadi mpindiewu, udi musue kupia tshibawu, kumatshisha mashi a muntu udi kayi ne bualu panshi bua tshinyi? Udi ukeba kushipa Davide kayi ne tshidiye muenze bua tshinyi?