Nehemya 4:14 - MUKANDA WA MYIDI MUKULU

¹⁴ Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nakatangila ne nakajuka, nakambila bantu banene ne bakokeshi ne bantu bakuabo ne, Kanubatshinyi, nuvuluke Mukelenge wenu munene, mukole, nuluangane bikole bualu bua bana benu ne bana benu ba balume ne bana benu ba bakashi baledibue ne bua bakashi benu ne nsubu yenu.

Nehemya 4:14 교차 참조

2 Samuele 10:12

Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

2 Kulondolola 32:7

— Ikalayi bantu ba bukitu, nuleje muoyi mukole. Kanutshinyi tshintu nansha tshimue. Kanuzakadi bua mukalenga wa bena Ashure, ne bisumbu bia bungi bia bena mvita bidiye nabi. Bukole butudi nabu mbupite buende.

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Yobe 37:22

Butoke budi bukenka, bufuma ku mutu kua ditunga. Lumu lua Mvidi Mukulu ludi lutukuatshisha bowa.

Misambu 143:5

Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

Misambu 20:7

Mpindiewu ndi mumanye mudi Maweja-Nangila, wambuluisha mukalenga udiye mujidile, umuandamuina mu nzubu wende wa mu diulu, wenza malu a dikema bua kumusungidila.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 66:3

Nuambile Mvidi Mukulu ne: “Biudi muenze mbia dikema! Baluishi bebe badi badiela panshi ne bowa, bualu bukole buebe mbupite!

Misambu 66:5

Vuayi numone mudi Mvidi Mukulu muenze. Bidiye muenzele bantu bidi bikemesha.

Ekesode 14:14

Lekelayi kupampakana, bualu Maweja-Nangila nealuangane mvita eyi pa mutu penu.

Ekesode 14:25

Kunyangaye nkata ya matempu abu a mvita. Kupangabu mua kutungunuka ne luendu. Ke bena Ejipitu kuela mbila ne: — Tunyemayi bena Izrayele, bualu Maweja-Nangila udi ubaluila mvita bua kututshimuna.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Danyele 11:32

Mukalenga ewu nkayende, ne miaku yende ya lubombu, neafikishe bantu ku dishipa dia ndondu. Kadi bantu bonsu badi bitaba Mvidi Mukulu ne muoyi umue, nebashindame mu malu adibu benza.

Zekâya 14:3

Pashishe Maweja-Nangila nealuishe bisamba ebi, bu mudiye muluishe baluishi ba bantu bende mu bikondu bionsu.

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Dielulula 1:21

Tangilayi: Maweja-Nangila Mvidi Mukulu wenu mmunupe ditunga dinudi bamone edi. Nanku koleshayi muoyi, kanutshinyi. Yayi, nukuate ditunga edi, bu muvua Maweja-Nangila, Mvidi Mukulu wa bankambua benu, mumane kuamba.”

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Balombodi 3:27

Mumane kufika muaba awu, kuelaye mpungi bua kubikila bena Izrayele ba mu buloba bua mikuna bua bena Efrayime. Pashishe kupitaye kumpala kuabu bua kupueka nabu ku mukuna, ubambila ne: