Nehemya 3:26 - MUKANDA WA MYIDI MUKULU

²⁶ ne bantu bakuabu bavua benza mudimu ku nzubu wa Mvidi Mukulu, basomba ku Ofele, bavua benza mudimu too ne ku kaleya kavua mu ditumba dia tshimana divua dipatuka, luseke ludi diba dipatukila lua tshiibi tshia Mayi.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bena Netinima hakadi bashikama mu Ofele ku muaba wa buludiludi ne mushiku wa mbelu wa ku mai ku luseke lua esete ne ku tshibumba tshiakadi tshisompoka.

Nehemya 3:26 교차 참조

1 Kulondolola 9:2

Kadi bena Izrayele bakuabu bavua bapingana mu bimenga biabu, bua kuya kusomba tshiakabidi mu lupangu luabu. Pashishe batuangaji, bena Levi ne bantu bavua benza mudimu mu nzubu wa Mvidi Mukulu, bavua bapingana pabu.

2 Kulondolola 27:3

Yotame ke uvua muenze tshiibi tshia kulu tshia nzubu wa Mvidi Mukulu. Uvua mukoleshe bimana bia tshimenga miaba mishilangane mu tshitupa tshia Ofele.

2 Kulondolola 33:14

Malu onsu mamane kupita, Menashe kuibaka tshimana tshitumbuke ku mpenga kua Tshimenga tshia Davide. Tshimana atshi tshivua tshipitshila luseke ludi diba dibuelela lua mpokolu wa Ngikone, tshilonda tshibandabanda tshia Sedrone, tshinyungulula tshitupa tshia tshimenga tshia Ofele, tshiya too ne ku tshiibi tshia Minyinyi ya mu mayi. Uvua muteke balombodi ba bisumbu bia bena mvita mu bimenga bionsu bia bena Yuda bivuabu bakoleshe ne bimana.

Nehemya 11:21

Bena midimu mikuabu ya mu nzubu wa Mvidi Mukulu bavua basombe mu tshitupa tshia Yerushalayime tshiyuabu binyike ne: Ofele. Bavua ku bumfumu bua Sika ne Ngishepa.

Nehemya 12:37

Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

Nehemya 3:27

Bena mu tshimenga tshia Tekowa bavua bibakulula tshimana, ku tshitupa tshivua tshilulamangane ne kaleya kanene kavua mu ditumba dia tshimana divua dipatuka, ne ku tshimana tshia Ofele.

Nehemya 8:1

Dituku dia kumpala dia ngondu, kusangilabu bonsu mu Yerushalayime, pa muaba udi kumpala kua tshiibi tshia Mayi. Kulombabu mutuangaji Ezra, mumanyi mupiluke wa mikenji, bua kufika kumpala kuabu ne mukanda wa mikenji, ivua Maweja-Nangila mutumine bena Izrayele kudi Moshe. Ezra kuya ne mukanda awu, muaba uvua bena Izrayele basangile, balume, bakaji, ne bana bavua batantamane.

Nehemya 8:16

Nanku, bena Izrayele kuya kukeba matamba a mitshi bua kuasa tuzubu tua bisasa. Bakuabu bavua basa tuzubu atu pa misonga ya nzubu yabu, banga kutuasabu mu mpangu ya nzubu yabu, bakuabu kutuasa mu mbanza ya nzubu wa Mvidi Mukulu. Banga kutuasabu muaba uvua tshiibi tshia Mayi, nansha muaba uvua tshiibi tshia Efrayime.

Nehemya 8:3

Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.