Nehemya 3:15 - MUKANDA WA MYIDI MUKULU

¹⁵ Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mushiku wa mbelu wa ku mpokolo wa mai bakalongolola kudi Shaluma, muana wa Kole-hosa, mukokeshi wa luseke lua Misepa; wakawasa, wakaubulula, wakateka bibi ne milonda ne biamu; wakalongolola lumbu lua ku dina dia mai a Shela hehi ne tshibunda tshia mukelenge tô ne ku tshibandilu tshidi tshihueka ku musoko wa Davidi.

Nehemya 3:15 교차 참조

2 Samuele 5:9

Davide kuya kusomba muaba uvuabu bakolesha ne bimana. Kuinyikaye muaba awu ne: “Tshimenga tshia Davide” Pashishe Davide kuibakaye bimana bikuabu, pankatshi pa nzubu wende, ne tshibumba tshia Milo.

2 Bakalenga 25:4

bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

2 Kulondolola 32:30

Izkiya ke uvua mujibikile mushiku wa mpokolu wa Ngikone, bua mayi apuekele muinshi mua buloba, aye ku luseke ludi diba dibuelela, afike ne munda mua Tshimenga tshia Davide. Izkiya uvua ne diakalenga mu bionsu bivuaye wenze.

Nehemya 12:37

Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

Nehemya 2:14

Ke meme kutungunuka ne luendu luseke luvua tshiibi tshia ku Mpokolu wa mayi, ne luseke luvua dijiba dia mukalenga. Kadi nyama wa mpunde umvua mubande, kavua mupete kabidi muaba wa kupitshila to.

Nehemya 2:17

Nanku, mpindiewu meme kubambila ne: — Nudi bamone dikenga ditudi nadi: tshimenga tshia Yerushalayime ntshinyangakaja. Biibi biatshi mbiosha ne kapia! Tuyayi kuibakulula bimana bia Yerushalayime, bua tujikije bundu butudi nabu.

Nehemya 3:12

Shalume, muana wa Alokesha, uvua wenza mudimu ku tshitupa tshikuabu, bamuambuluisha kudi bana bende ba bakaji. Shalume uvua mulombodi wa tshitupa tshikuabu tshia tshimenga tshia Yerushalayime.

Nehemya 3:14

Tshiibi tshia ku Dyala, bavua batshilongolola kudi Malkiya, muana wa Rekabe. Malkiya uvua mulombodi wa buloba bua Bete-Kereme. Malkiya mumane kulongolola tshiibi atshi, kuelaye bitupa bibidi bia tshiibi ku mbelu, kuasaye kabidi ne milonda ya kukanga nayi tshiibi.

Nehemya 3:19

Ezere, muana wa Yeshuwa, uvua mulombodi wa Mispa. Yeye ke uvua nuibakulule tshitupa tshia tshimana tshivua tshilulamangane ne njila uvua ubanda ku nzubu uvua ne bintu bia mvita, muaba uvua tshimana tshialabale.

Nehemya 3:7

Bantu bavua benza mudimu ku tshitupa tshikuabu tshia tshimana bavua Melatiya, wa mu Ngibone, Yadone, wa mu musoku wa Meronote, ne bantu bakuabu ba mu Ngibone ne ba mu Mispa. Bavua babafuta kudi mulombodi wa buloba buvua luseke ludi diba dibuelela lua musulu wa Perate.

Nehemya 3:9

Muntu uvua wenza mudimu tshitupa tshia tshimana tshivua tshilonda, uvua Refaya, muana wa Ure. Refaya uvua mulombodi wa tshitupa tshimue tshia tshimenga tshia Yerushalayime.

Muambi 2:6

Mvua mumbule biina bia mayi bua mmone mua kumiamina mitshi itshidi mitekete mayi.

Yeshaya 8:6

— Tshisamba etshi tshidi tshibenga mayi a mu mukidi wa Shilo, adi apueka kaayi muenji. Tshidi tshiteketa mu maboku, pa kumona bakalenga babidi aba: Resine ne Peka.

Yirmeya 40:6

Nanku Yirmeya kuya ku Mispa, muaba uvua Ngedaliya. Kusombaye munkatshi mua bantu bavua bashale mu ditunga.

Luke 13:4

Bantu dikumi ne muanda mukulu, bavua kaleya ka Silowa kupukila, kashipa, nudi nuela meji ne: ke bavua babi bapite bantu bakuabu bonsu ba mu Yerushalayime ku bubi anyi?

Yowanane 9:7

Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

Balombodi 20:3

Bena Binyamine kumvua lumu ne: bisamba bionsu bia bena Izrayele mbidisange ku Mispa. Bena Izrayele kukonka muena Levi awu ne: — Utuambile mushindu udi bualu ebu bubi buenzeka.