Nehemya 2:5 - MUKANDA WA MYIDI MUKULU

⁵ Pashishe, meme kuandamuna mukalenga ne: — Mfumuanyi, pawikala musue kumfuila luse, witabe bua meme kuya mu ditunga dia bena Yuda, mu tshimenga tshidibu bajike bankambua banyi, bua meme kuibakulula tshimenga atshi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakambila mukelenge ne, Bikala bualu ebu buimpe ku mesu kuebe ne biasangana muntu webe luse ku mesu kuebe, anji kuitabusha bua kuntuma meme ku buloba bua Yuda, ku musoko udi nkita ya bankambua banyi bua meme kuwibaka.

Nehemya 2:5 교차 참조

2 Samuele 14:22

Yowabe kudiela mpala panshi kumpala kua mukalenga Davide. Kumuelaye tuasakidila, wamba ne: — Mukalenga, mpindiewu ndi mujadika ne: udi munnange bushuwa. Bualu udi muitabe bua kuenza tshimvua mukulombe.

Ezela 5:17

Mpindiewu, mukalenga, bu wewe musue, bakebulule mu mikanda yonsu ya bukalenga idi mu Babilone, bua bamanye ne: Koreshe, mukalenga munene, uvua mutume diyi bua bibakulule nzubu wa Mvidi Mukulu mu Yerushalayime. Pashishe utuambile meji audi muele bua kulongolola bualu ebu.”

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Nehemya 2:6

Mukaji wa mukalenga wa bakalenga uvua musombe pamue ne bayende. Awu kunkonka kabidi ne: — Nehemya, neushale mu luendu matuku bungi munyi? Neupingane dituku kaayi? Meme kumuambila dituku dimvua ne bua kupingana. Nanku mukalenga wa bakalenga kuitaba bua meme kuya.

Estere 1:19

Nanku, mukalenga, paudi muitabe, ela mukenji wa ditunga. Ukandike kashidi mukalenga mukaji Vasti bua kamueneki kumpala kuebe to. Ufile muanzu wende kudi mukaji mukuabu udi mukumbanyine muanzu awu. Mukenji awu uufunde ku mikenji ya bena ditunga dia bena Persa ne dia bena Madayi idibu kabayi mua kukudimuna.

Estere 5:8

Mukalenga, paudi munganyishe, muanyishe dilomba dianyi, ufike kabidi muanyi maloba, bua didia dinene dindi munuenzele wewe ne Amane. Nanku, diba adi nenkuambile tshindi njinga.

Estere 7:3

Mukalenga mukaji Estere kuandamuna ne: — Mukalenga, paudi munganyishe, kabidi paudi munsue, ndi nkulomba bua tshisamba tshianyi ne meme katutu to. Ke tshindi nkulomba bua ungenzele atshi.

Estere 8:5

kuambila mukalenga ne: — Mukalenga, paudi mumone ne bindi nkulomba bidi bimpe, kabidi paudi munganyishe, munnange, ufunde mukanda wa kukandika nawu mikanda ivua Amane, muana wa Amedata, wa ku ndelanganyi ya Agaje mufunde bua kubutula bena Yuda, badi basomba mu matunga onsu a mu bukalenga buebe.

Nsumuinu 3:4

Nenku, nebakunange kudi Mvidi Mukulu ne kudi bantu. Neumwangane nabu.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.

Matayi 23:27

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi bafuanangane ne nkita milaba lupemba bimpe. Idi imueneka mimpe ku mesu. Kadi munda muayi mudi muwule tente ne mifuba ya bantu bafue, kabidi ne bintu bibole bia mishindu yonsu.

Rute 2:13

Pashishe, Rute kuamba ne: — Mukalenga, ndi nkuela tuasakidila, bua paudi munsambe, munkoleshe ku muoyi, meme tshiyi nansha bu umue wa ku bakaji bena mudimu bebe.