Nehemya 13:9 - MUKANDA WA MYIDI MUKULU

⁹ Pashishe, meme kukombesha bimpe mu bibambalu abi, bua bapingajemu bintu bia kukuata nabi mudimu mu nzubu wa Mvidi Mukulu, bintu bia ku milambu, ne musenga wa kamonya.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe nakela mukenji, bakalengesha nsubu; nakahingashamu malonga a mu nsubu wa Nzambi ne milambu ya bukula ne manananshi.

Nehemya 13:9 교차 참조

2 Kulondolola 29:5

kubambilaye ne: — Ntelejayi, nuenu ndelanganyi ya Levi. Umushayi mikiya yenu mpindiewu. Pashishe numushe mikiya idi nzubu wa Maweja-Nangila Mvidi Mukulu wa bankambua benu nayi. Nupatule mu nzubu amu bintu bionsu bidi ne mikiya.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

Nehemya 12:45

Bushuwa, batuangaji ne bena Levi bavua benzela Maweja-Nangila mudimu pambidi pa bantu ne bintu, bumusha mikiya. Nansha bena misambu ne balami ba ku biibi bavua benza bionsu bilondeshile muvua mikenji ya mukalenga Davide ne ya muanende Shelomu.

Yezekiyele 40:38

Ku tshiibi tshia ku mutu wa nzubu kuvua tshibambalu tshikuabu tshivua tshilamatangane ne tshibambalu tshinene. Ke muaba uvuabu basukuila minyinyi ya nyama ivuabu bashipa bua kuyilambula Mvidi Mukulu bu milambu ya kuosha.