Nehemya 13:23 - MUKANDA WA MYIDI MUKULU

²³ Mu tshikondu atshi kabidi, mvua mumone muvua bena Yuda basela bakaji ba bena Asdode, bena Amone nansha bena Mowabe.

Mukanda wa Nzambi Dihungila Dikulukulu ne Dihungila Dihia-dihia 2003

²³ Mu matuku au kabidi nakamona ne Bena Yuda bakadi babake bakashi ba Bena Ashedodo ne Bena Amona ne Bena Moaba;

Nehemya 13:23 교차 참조

1 Bakalenga 11:1

Mukalenga Shelomu mumane kusela muana wa mukalenga wa bena Ejipitu, kuselaye kabidi bakaji ba bungi ba bisamba bikuabu: ba bena Mowabe, bena Amone, bena Edome, bena Sidone ne bena Iti.

Ezela 10:10

Mutuangaji Ezra kuimana kulu, ubambila ne: — Bena Izrayele, nudi benze bibi bitambe panudi basele bakaji benyi. Ke bubi bukuabu bunudi basakidile ku bubi bua kale bua bankambua benu.

Ezela 10:44

Bantu bonsu aba ke bavua basele bakaji benyi. Bamue ba ku bakaji abu, bavua bamane kulela bana mu ditunga amu.

Nehemya 10:30

Nanku tuetu ne bana betu bakuabu, bakulu betu, tuetu kuditshipa bua kutumikila mikenji ivua Mvidi Mukulu muambile Moshe muntu wende, ne bua kukumbaja majinga a Maweja-Nangila Mvidi Mukulu wetu, kulama mikenji yonsu, ne kulonda mibelu yende.

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 13:1

Mu tshikondu atshi, bavua babadila bantu bonsu mukanda wa mikenji ya Moshe. Dituku dikuabu kubalabu muaba uvuabu bafunde ne: Bena Amone, kabidi ne bena Mowabe, kabena mua kubuela mu tshisumbu tshia bantu badi batendelela Mvidi Mukulu to.

Nehemya 13:24

Bana babu bakuabu bavua bakula muakulu wa bena Asdode, bakuabu muakulu wa tshisamba tshikuabu tshia bantu benyi. Kadi kakuvua nansha muana umue uvua mumanye muakulu wa bena Yuda to.

Nehemya 13:27

Katuena basue kumvua kabidi munudi nuenzela Mvidi Mukulu bibi pa kusela bakaji ba bisamba bikuabu.

Nehemya 4:7

Nanku, meme kulongolola miaba ya kusokoka bantu panyima pa tshimana. Meme kusokokamu bena mvita, balondangane ku biota biabu. Kabidi bavuane bia mvita: miele, mafuma, ne mata a mikete.

Ekesode 34:11

“Wewe Moshe, ukumbaje malu onsu andi mukuambile lelu aa. Meme nenkuipatshile bena Amore, bena Kenaane, bena Iti, bena Perizi, bena Ivi ne bena Yebusa.

2 Korente 6:14

Kanukuatshi mudimu pamue ne badi kabayi bitaba Mvidi Mukulu. Bidi bimpe kabiena mua kumvuangana ne bidi bibi. Muaba udi butoke kawena miidima.

Dielulula 7:1

Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Rute 1:4

Bana abu kusela bakaji ba bena Mowabe: Orpa ne Rute. Bobu bamane kushala muaba awu bidimu bitue ku dikumi,

1 Samuele 5:1

Bena Peleshete bamane kunyenga mushete wa Mvidi Mukulu, kumukabu nawu muaba uvuabu babikila ne: Dibue-dia-diambuluisha, bua kuya nawu mu tshimenga tshia Asdode.