Nehemya 13:22 - MUKANDA WA MYIDI MUKULU

²² Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Mukanda wa Nzambi Dihungila Dikulukulu ne Dihungila Dihia-dihia 2003

²² Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Nehemya 13:22 교차 참조

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

2 Bakalenga 23:4

Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

2 Kulondolola 29:24

Batuangaji kukosa mbuji ayi muminu, kumiamina mashi ayi ku tshilambuilu, bua kukobolola bantu bonsu bena Izrayele. Bualu mukalenga Izkiya uvua muele diyi ne: balambule milambu yonsu, ya kuosha ne ya kukobolola bantu, bua bena Izrayele bonsu.

2 Kulondolola 29:27

Izkiya kutuma diyi bua balambule milambu ya kuosha pa tshilambuilu. Pavuabu batuadija kulambula milambu, bavua bimba misambu bua kutumbisha Maweja-Nangila, bela mpungi, bimba biombelu bia Davide, mukalenga wa bena Izrayele.

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

Nehemya 12:10

Yeshuwa uvua tatuende wa Yoyakime. Yoyakime kulela Eliyashibe, Eliyashibe kulela Yoyada,

Nehemya 12:30

Batuangaji ne bena Levi kumusha mikiya ivuabu nayi. Kuambilabu kabidi bantu bonsu bua kumushabu mikiya. Pashishe kumushabu mikiya ya ku bimana bia tshimenga ne ya ku biibi.

Nehemya 13:14

“Eyi Mvidi Mukulu wanyi, uvuluke bionsu bindi muenze! Kupu muoyi malu onsu andi meme muenze ne muoyi umue, bua nzubu webe ne bua kulongolola ditendelela.”

Nehemya 13:31

Meme kulongolola kabidi mudimu wa kufila nkunyi matuku avuabu bafunde, kabidi wa kufila milambu ya bintu bia tshianyi bia mu madimi. “Eyi Mvidi Mukulu wanyi, umvuluke, ungenzele bimpe.”

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Misambu 51:1

Musambu wa mu mukanda wa mulombodi wa bena misambu ne wa mu mukanda wa misambu ya Davide.

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Dielulula 5:12

“Nuvuluke Dituku dia Dikisha, nudinemeke, bualu ndia tshijila, bu mumvua munuambile.