Nehemya 13:14 - MUKANDA WA MYIDI MUKULU

¹⁴ “Eyi Mvidi Mukulu wanyi, uvuluke bionsu bindi muenze! Kupu muoyi malu onsu andi meme muenze ne muoyi umue, bua nzubu webe ne bua kulongolola ditendelela.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wanyi, unvuluke mu bualu ebu; kujimishi bienzedi bianyi bimpe binakenza bua nsubu wa Nzambi wanyi bua mudimu wandi ku mesu kuebe.

Nehemya 13:14 교차 참조

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

2 Kulondolola 24:16

Kumujikabu mu nkita ya bena diku dia bukalenga, mu Tshimenga tshia Davide. Bualu uvua muenzele bena Izrayele malu mimpe. Uvua munemeke kabidi Mvidi Mukulu ne nzubu wende.

Ezela 7:20

Paudi musue kufila bintu bikuabu mu nzubu wa Mvidi Mukulu, ubisumbe ku makuta a mu mushete wa bukalenga.

Ezela 7:24

Tudi tumanyisha kabidi balami ba bibutshilu ne: kabena mua kulambuisha batuangaji, bena Levi, bena misambu, balami ba ku biibi, bena midimu mikuabu ba mu nzubu wa Mvidi Mukulu bitadi nansha milambu mikuabu to.

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Nehemya 13:22

Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Nehemya 13:31

Meme kulongolola kabidi mudimu wa kufila nkunyi matuku avuabu bafunde, kabidi wa kufila milambu ya bintu bia tshianyi bia mu madimi. “Eyi Mvidi Mukulu wanyi, umvuluke, ungenzele bimpe.”

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.