Nehemya 13:13 - MUKANDA WA MYIDI MUKULU

¹³ Bua kulama mayeba aa, meme kusungula mutuangaji Shelemiya, Sadoke, mufundi, ne Pedaya, muana wa Levi. Bavua babambuluisha kudi Anane, muana wa Zakure, ne muikulu wa Mataniya. Bonsu abu bavua bamueneka bantu ba diyi dimue. Bavua ne mudimu wa kuabanyina bana babu bintu bia ku milambu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nakasungula balami ba mutu ha bibutshilu: Shelemeya muakuidi ne Sadoka mufundi ne Pedaya, umue wa Bena Lewi, ne Hanana, muana wa Zakû, muana wa Matanaya, wakadi nʼabo kabidi, bualu bua bobo bakadi babadibue ne mbadi beyemenyibue; bakadi ne mudimu wa kuabanyina bana babo bintu.

Nehemya 13:13 교차 참조

2 Bakalenga 12:15

Bavua bafila makuta awu onsu kudi balombodi ba bibaki ba nzubu, anu bua bamone mua kulongolola miaba ivua minyanguke.

2 Bakalenga 12:16

Bantu bavua bafuta bena mudimu, bavua benza mudimu awu bimpe. Nanku kabavua babalondesha bua makuta avuabu bangata bua kufuta bena mudimu to.

2 Bakalenga 22:7

Kadi, bantu badi bafuta bena mudimu, kabena mua kubalondesha bua makuta adibu benza nawu mudimu to. Bualu badi benza mudimu wabu bimpe.

Nehemya 10:38

Nebipeshe kabidi batuangaji bukula buimpe, milambu ya bimuma, ya mvinyo mipiamipia ne ya mafuta. Nebiteke bionsu abi mu bibambalu bidi ku nzubu wa Mvidi Mukulu. Kadi bena Levi, nebapete tshia dikumi tshimue tshia bintu bia mu madimi etu, Bobu nkayabu nebaye kudiangatshila tshia dikumi atshi mu misoku yetu, miaba idi madimi ebi.

Nehemya 11:22

Uzi uvua mulombodi wa bena Levi bavua basombe mu Yerushalayime. Uvua muana wa Bani, Bani uvua muana wa Ashabiya, Ashabiya uvua muana wa Matatiya, Matatiya uvua muana wa Mika, wa mu tshiota tshia Ashafe tshivua ne mudimu wa misambu ne biombelu mu nzubu wa Mvidi Mukulu.

Nehemya 12:35

Pashishe, bavua balonda kudi batuangaji bavua bambule mpungi. Kubalondabu kudi Zekarya, muana wa Yonatane, Yonatane uvua muana wa Shemaya, Shemaya uvua muana wa Mataniya, Mataniya uvua muana wa Mikaya, Mikaya uvua muana wa Zakure, Zakure uvua muana wa Ashafe.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Nehemya 3:30

Bavua balongolola tshitupa tshikuabu kudi Ananiya, muana wa Shelemiya, ne kudi Anune, muana muisambombu wa Salafe. Pashishe, Meshulame, muana wa Berekya, uvua wenza mudimu mu tshitupa tshivua tshilulamangane ne muaba uvuaye usomba.

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Nehemya 8:4

Ezra uvua muimane kulu pa mabaya avuabu balongolole anu bua bualu abu. Ku diboku diende dia bukole kuvua: Matitya, Shema, Anaya, Uriya, Ilkiya ne Masheya. Ku diboku diende dia bakaji kuvua Pedaya, Mishayele, Malkiya, Ashume, Ashebadana, Zekarya ne Meshulame.

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Bienzedi 4:35

baufila kudi bapostolu. Pashishe bavua babanyangana lupetu luonsu, bilondeshile dikenga divua muntu yonsu nadi.

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

1 Timote 1:12

Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

1 Timote 3:10

Banji kubateta bangabanga. Padibu kabayi mua kubadiwula, badi mua kukuata mudimu wa bambuluishi ba balombodi.