Nehemya 13:12 - MUKANDA WA MYIDI MUKULU

¹² Nanku, bena Yuda kufika tshiakabidi ne tshia dikumi tshia ntete ya kuenza bukula, tshia mvinyo mupiamupia, ne tshia mafuta, bua batshiteke mu mayeba avuabu bamane kulongolola.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe Bena Yuda bonso bakalua ne tshia dikumi tshia blé ne tshia nyinyo mihia-mihia ne tshia manyi mu nsubu ya bibutshilu.

Nehemya 13:12 교차 참조

2 Kulondolola 31:4

Mukalenga Izkiya kutumina bena mu Yerushalayime bonsu diyi, bua bapeshe batuangaji ne bena Levi bintu bionsu bidi bibafundila, bua bamone mua kuenza mudimu wabu anu ne muoyi mujima, bilondeshile mudi mikenji ya Maweja-Nangila yamba.

2 Kulondolola 31:5

Bena Izrayele bonsu bumvue bualu abu, kufilabu biakudia bia bungi bia tshianyi: ntete ya kuenza bukula, maluvu a mvinyo, mafuta, buitshi ne biakudia bikuabu, kabidi ne tshia dikumi tshia bintu bionsu bivuabu nabi.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Lewitiki 27:30

“Nenku bena Izrayele badi ne bua kulambula Maweja-Nangila tshia dikumi tshimue tshia biakudia bia mu madimi, kabidi ne tshia bimuma bia ku mitshi. Bualu mbintu biende.

Malaki 3:10

Nanku nundambule mu nzubu wanyi tshia dikumi menemene tshia ku midimu inudi nukuata, bua biakudia bikale kashidi mu nzubu muanyi. Pa bualu ebu, nudi mua kunteta meme Mvidi Mukulu wa bukole buonsu, nenumone mundi nnunzuluila mayeba a mu diulu, nnuela lupemba, ndokesha mvula.

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Dielulula 14:22

Ku tshidimu tshionsu, nusunguile Maweja-Nangila tshia dikumi tshia bia mu madimi enu.