Nehemya 12:43 - MUKANDA WA MYIDI MUKULU

⁴³ Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Bakafila milambu ya bungi dituku adi, bakasanka, bualu bua Nzambi wakabasankisha ne disanka dinene; bakashi ne bana bakasanka kabidi; nunku bakunvua disanka dia mu Yelushalema kudi bakadi kule.

Nehemya 12:43 교차 참조

2 Kulondolola 20:13

Bena Yuda bonsu, bakaji kabidi ne bana, bavua bimane kulu kumpala kua muaba wa tshijila.

2 Kulondolola 20:27

Bantu bonsu ba mu Yerushalayime, ne bena Yuda bakuabu, pamue ne Yosafate uvua ubalombola, kupinganabu mu Yerushalayime ne disanka. Maweja-Nangila uvua mubasankishe, bualu uvua mubapandishe mu bianza bia baluishi babu.

2 Kulondolola 7:10

Dituku dia makumi abidi ne disatu dia ngondu wa muanda mutekete, mukalenga Shelomu kutangalaja bena Izrayele. Kupinganabu bonsu ku nzubu yabu ne musangelu. Bavua ne disanka, bualu Maweja-Nangila uvua muenzele Davide, Shelomu, ne tshisa tshiende tshia bena Izrayele bimpe bitambe.

Ezela 3:13

Nanku, kabawa mua kusunguluja bikashi bivuabu bakuma bua disanka, ne miadi ya bakuabu bantu to. Bualu bantu bonsu bavua amu bela mbila mikole ivua yumvuika mutantshi mule.

Nehemya 12:27

Bantu bamane kuibakulula tshimana tshia Yerushalayime, kubikilabu bena Levi ba mu ditunga dijima bua kuenzabu tshibilu tshia kujidila tshimana. Bavua bimba misambu ilonda muadi wa ndibu, wa nzenza ne nkombe.

Nehemya 12:42

Masheya, Shemaya, Elazare, Uzi, Yowanane, Malkiya, Elame ne Azere bavuaku kabidi. Bena misambu bavua bimba, Izkiya ubalombola.

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Misambu 9:2

Maweja-Nangila, ndi nkutumbisha ne muoyi wanyi mujima, mmanyisha bantu bonsu bia dikema biudi muenze.

Misambu 92:4

kubamanyisha ne lunzenze ne lunkombe ne biombelu bionsu!

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Yirmeya 33:11

misambu ne mbila ya disanka. Nebumvue kabidi meyi a bantu batshidi babuela mu dibaka. Nebumvue kabidi bantu bimbe musambu ewu ne: Tumbishayi Mvidi Mukulu wa bukole buonsu, bualu udi mulenga. Dinanga diende ndia kashidi. Nebumvue kabidi musambu wa bantu badi baya ne milambu yabu mu nzubu wa Mvidi Mukulu. Bushuwa, Maweja-Nangila udi wamba ne: nempingajile ditunga edi lumu luadi lua kale.

Dibadika 10:10

Panudi nuenza tshibilu dituku dia kumpala dia ngondu yonsu, nansha tshibilu tshia mushindu mukuabu, nenuele mpungi diba didibu bandambula milambu ya kuosha, nansha milambu ya bobumue. Nanku, nennuvuluke. Meme ndi Maweja-Nangila Mvidi Mukulu wenu.”

Matayi 21:15

Bamfumu ba batuangaji, ne balongeshi ba mikenji, kufika munda pa kumona malu a dikema avua Yezu wenza, ne bana bavua bela mbila mu nzubu wa Mvidi Mukulu ne: “Lumu tuikale kudi Muana wa Davide!”

Matayi 21:9

Bavua benda kumpala kua Yezu, ne bavua bamulonda mu nyima, bonsu kuela mbila ne: “Lumu tuikale kudi Muana wa Davide! Udi uvua mu dina dia Maweja-Nangila, Mvidi Mukulu amuele lupemba! Lumu bikale kudi Mvidi Mukulu mu diulu!

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Efeze 5:19

Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

Yakobe 5:13

Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

1 Samuele 4:5

Amu bafike ne mushete wa ndondu mu mitanda, bena mvita ba bena Izrayele kuela bibingu bikole, buloba kuzakala.