Nehemya 12:39 - MUKANDA WA MYIDI MUKULU

³⁹ Tuetu kupitshila pa mutu pa tshiibi tshia Efrayime, ne pa tshiibi tshia Yeshana, ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ ha mutu ha tshibi tshia Efelayima ne hehi ne tshibi tshia diambedi ne tshibi tshia ku luseke lua minyinyi ya mu mai ne tshibumba tshia Hananele ne tshibumba tshia Hamea tô ne ku tshibi tshia mikoko; bakimana talalâ ku tshibi tshia balami ba musoko.

Nehemya 12:39 교차 참조

2 Bakalenga 14:13

Yowashe, mukalenga wa bena Izrayele, kukuata Amashiya, mukalenga wa bena Yuda ku Bete-Shemeshe. Amashiya, muana wa Yowashe, uvua muikulu wa Akaziya. Yowashe kumuka ku Bete-Shemeshe, kuya mu Yerushalayime. Kupulaye metre bu nkama ibidi ya tshimana tshia tshimenga atshi, biangatshile ku tshiibi tshia Efrayime too ne ku tshiibi tshikuabu tshia Ditumba.

Nehemya 12:40

Bisumbu bionsu bibidi bia bena misambu, meme Nehemya ne balombodi bavua benda nanyi, tuetu bonsu kuimana ku nzubu wa Mvidi Mukulu.

Nehemya 3:1

Mutuangaji munene Eliyashibe, kutuadija mudimu pamue ne batuangaji bakuabu. Kuibakululabu tshiibi tshia Mikoku, kutshijidilabu. Kuelabu bitupa bibidi bia tshiibi ku mbelu. Kuibakululabu tshimana too ne ku kaleya ka Meya. Kujidilabu tshimana atshi. Kutungunukabu ne dibaka tshimana too ne ku kaleya ka Ananeyele.

Nehemya 3:25

Palale, muana wa Uzayi, uvua wibakulula tshitupa tshia tshimana tshivua pankatshi pa ditumba divua dipatuka, ne ku kaleya kavuabu basa kumpala kua nzubu wa bukalenga, uvua pabuipi ne lubanza lua bena mvita bavua balame mukalenga. Pashishe, Pedaya, muana wa Paroshe,

Nehemya 3:3

Bena mu musoku wa Sena, kuibakululabu tshiibi tshia Minyinyi ya mu mayi. Bobu bamane kulamakaja mabaya a tshiibi, kuelabu bitupa bibidi bia tshiibi ku mbelu, kuasabu kabidi milonda ya kukanga nayi tshiibi.

Nehemya 3:6

Yoyada, muana wa Pasheya, ne Meshulame, muana wa Beshodia, kulongololabu tshiibi tshia Yeshana. Bobu bamane kulamakaja mabaya a tshiibi, kuelabu bitupa bibidi bia tshiibi ku mbelu, kuasabu kabidi milonda ya kukanga nayi tshiibi.

Nehemya 8:16

Nanku, bena Izrayele kuya kukeba matamba a mitshi bua kuasa tuzubu tua bisasa. Bakuabu bavua basa tuzubu atu pa misonga ya nzubu yabu, banga kutuasabu mu mpangu ya nzubu yabu, bakuabu kutuasa mu mbanza ya nzubu wa Mvidi Mukulu. Banga kutuasabu muaba uvua tshiibi tshia Mayi, nansha muaba uvua tshiibi tshia Efrayime.

Yirmeya 31:38

Maweja-Nangila udi wamba ne: Matuku makese aa, nebasulule bimana bia tshimenga tshianyi tshia Yerushalayime, kutuadija ku kaleya ka Ananeyele too ne ku tshiibi tshia mu Ditumba.

Yirmeya 32:2

Tshikondu atshi, bena mvita ba mu bena Babilone bavua baluisha Yerushalayime. Muambi Yirmeya uvua mu nzubu wa lukanu mu lubanza lua bena mvita balami ba mukalenga wa bena Yuda.

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Yowanane 5:2

Mu tshimenga atshi mudi dijiba ne bitanda bia makunji bia kuikishila bitanu. Dijiba adi didi pepi ne tshiibi tshia Mikoku, badinyike mu buena ebrewu ne: Betzata.