Nehemya 12:31 - MUKANDA WA MYIDI MUKULU

³¹ Meme Nehemya kulomba bamfumu ba bena Yuda bua babande pa tshimana tshia tshimenga. Meme kutapulula bena misambu mu bisumbu bibidi binene. Tshisumbu tshia kumpala tshivua tshiya ku dia balume, tshisemena pa tshimana, tshitangila ku tshiibi tshia Dyala.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Hashishe nakalua ne bantu banene ba mu Yuda ku lumbu, nakabatabulula mu bisumbu binene bibidi, bakenda mu milongo, basakidila Nzambi; tshisumbu tshimue tshiakaya ku tshianza tshia balume tshia ha lumbu tô ne ku tshibi tshia ku diala;

Nehemya 12:31 교차 참조

1 Kulondolola 13:1

Davide kubuela mu tshipangu ne bamfumu ba bisumbu bishilangane bia bena mvita, pamue ne bakulu bakuabu.

1 Kulondolola 28:1

Mukalenga Davide kukungija bamfumu bonsu ba bena Izrayele mu Yerushalayime: bamfumu ba bisamba, balombodi ba midimu misanga ya mu bukalenga, balombodi ba bisumbu binene ne bikese bia bena mvita, balombodi ba balami ba madimi, mpangu ne nzubu, ne bisumbu bia nyama ya mukalenga ne ya bana bende, bantu banene ba mu lubanza lua bukalenga, bena mvita ba bukitu, ne bantu bakuabu bonsu ba mushinga.

2 Kulondolola 5:2

Diba adi, mukalenga Shelomu kubikidisha bakulu ba bena Izrayele, bamfumu ba bisamba ne bamienampala ba meku a kale onsu. Kufikabu mu Yerushalayime bua kuambula mushete wa ndondu wa Maweja-Nangila, uvua mu Tshimenga tshia Davide, tshivuabu binyike kabidi ne: Siyone, bua kuya kuuteka mu nzubu wa Mvidi Mukulu.

Nehemya 12:32

Oshaya ne tshia bibidi tshimue tshia bamfumu ba bena Yuda bavua benda balonda bena misambu.

Nehemya 12:38

Tshisumbu tshibidi tshia bena misambu tshivua tshiya ku dia bakaji. Meme Nehemya, ne bamfumu bakuabu ba bena Yuda, tuvua pa tshimana, tubalonda. Tuetu kupitshila ku kaleya ka Tshioshilu, ne muaba uvua tshimana tshialabale.

Nehemya 12:40

Bisumbu bionsu bibidi bia bena misambu, meme Nehemya ne balombodi bavua benda nanyi, tuetu bonsu kuimana ku nzubu wa Mvidi Mukulu.

Nehemya 2:13

Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.