Nehemya 12:27 - MUKANDA WA MYIDI MUKULU

²⁷ Bantu bamane kuibakulula tshimana tshia Yerushalayime, kubikilabu bena Levi ba mu ditunga dijima bua kuenzabu tshibilu tshia kujidila tshimana. Bavua bimba misambu ilonda muadi wa ndibu, wa nzenza ne nkombe.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Hakajidilabo lumbu lua Yelushalema, bakabikila Bena Lewi bakadi ku nseke yonso, bakalua nʼabo ku Yelushalema bua kubakuatshishabo mu disanka dia kujidila kua lumbu ne bua kusakidilabo Nzambi ne bua kumutumbishabo ne misambu ne makasa ne bisanji ne nzenze.

Nehemya 12:27 교차 참조

2 Samuele 6:12

Kuambilabu Davide ne: Maweja-Nangila mmuela Obede-Edome lupemba mu bionsu bidiye wenza, bualu bua mushete wa tshijila. Nanku Davide ne tshisumbu tshia bantu tshivuaye natshi, kuya kua Obede-Edome bua kuangata mushete, kuya nawu mu Tshimenga tshia Davide ne luendu lua disanka.

1 Bakalenga 8:63

Bua kubanjija nzubu wa Mvidi Mukulu, Shelomu kulambula milambu ya bobumue: ngombe binunu makumi abidi ne bibidi, mikoku ne mbuji binunu lukama ne makumi abidi.

1 Kulondolola 13:8

Davide ne bena Izrayele bonsu bavua benda basanka muabu muonsu, kumpala kua Mvidi Mukulu. Bavua bimba misambu ne biombelu bia mishindu yonsu: nzenze, ngoma, ndibu ne mpungi.

1 Kulondolola 15:12

Kubambilaye ne: — Nuenu nudi ku mutu kua meku a bena Levi. Nudikobolole nuenu ne bena meku enu. Pashishe nuye kuangata mushete wa Maweja-Nangila, Mvidi Mukulu wa bena Izrayele, bua kuya kuuteka muaba undi muulongoluele.

1 Kulondolola 15:16

Davide kuambila balombodi ba bena Levi bua basungule mu meku abu, bena misambu, bikale ne bisanji, nzenze ne ndibu, badi mua kuimba misambu ne diyi dikole dia disanka.

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Kulondolola 15:4

Kusangishaye batuangaji, ndelanganyi ya Arone, kabidi ne bena Levi.

1 Kulondolola 16:42

Emane ne Yedutune bavua ne mpungi ne ndibu ya bena misambu. Bavua kabidi ne bikuabu biamu bia kuimba nabi misambu ya tshijila. Bana ba Yedutune bavua balami ba biibi.

1 Kulondolola 16:5

Ashafe ke uvua ulombola bantu abu, bamuambuluisha kudi Zekarya. Yaziyele, Shemiramote, Yekiyele, Matitiya, Eliyabe, Benaya, Obede-Edome ne Yeyele, bavua bimba lunkombe ne lunzenze. Ashafe uvua unyungisha ndibu.

1 Kulondolola 23:5

Kusungulaye kabidi bantu binunu binayi bua bikale balama biibi, binunu binayi bikuabu bua bikale batumbisha Maweja-Nangila ne biombelu bivua Davide muenzeje bua kumutumbisha nabi.

1 Kulondolola 26:31

Yeriya uvua mfumu wa diku dia Ebrone. Davide mumane kulala bidimu makumi anayi mu bukalenga, bavua batuadija kukeba mua kumanya dilondangana dia bankambua ba diku dia Ebrone. Bavua basangana bantu ba bukitu mu Yazere wa mu Ngilaade, bavua bena diku edi.

2 Kulondolola 29:25

Ke mukalenga Izkiya kuteka bena Levi mu lubanza lua nzubu wa Mvidi Mukulu. Bena Levi abu bavua ne nzenze, ndibu ne nkombe, bu muvua mukalenga Davide muambe, muvuabu bambe kabidi kudi bambi, Ngade ne Natane, bavua benzela mukalenga mudimu. Ke diyi divua Maweja-Nangila muambile bambi bende abu, bua bamanyishe bantu bonsu.

2 Kulondolola 29:30

Mukalenga Izkiya ne bakulu kuambila bena Levi bua batumbishe kabidi Maweja-Nangila ne misambu ivuabu benze kudi Davide ne kudi muambi Ashafe. Bena Levi kuimba misambu ne disanka dinene, pashishe kudielabu panshi bua kutumbisha Maweja-Nangila.

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

2 Kulondolola 7:6

Batuangaji bavua anu pa miaba Kuabu benzela mudimu. Bena Levi bavua bimba biombelu bia tshijila, bivua mukalenga Davide muenzeje. Bavua batumbisha Maweja-Nangila, bua dinanga diende didi kadiyi ne ndekelu, bilondeshile musambu uvua Davide mubalongeshe. Batuangaji bavua bela mpungi, batangilangane ne bena Levi aba. Bantu bonsu bavua amu bimane kulu.

Ezela 6:16

Bena Yuda, batuangaji, bena Levi ne bantu bakuabu bavua bafume ku bupika, kubandabu nzubu wa Mvidi Mukulu ne disanka, kumujidila.

Nehemya 11:20

Kadi bena Izrayele bakuabu, nansha batuangaji ne bena Levi, bavua basombe mu misoku mikuabu ne mu bimenga bia mu ditunga dia bena Yuda, muntu muende muntu muende.

Nehemya 12:43

Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

Nehemya 8:17

Bantu bonsu bavua bafume ku bupika, kuasabu tuzubu tua bisasa, kusombamu. Matuku awu awa a disanka dinene. Bualu bena Izrayele kabawa banji kuenza kabidi tshibilu atshi, bituadije ku tshikondu tshia Yeshuwa, muana wa Nune.

Misambu 149:3

Bantu batumbishe Maweja-Nangila ne maja, bamuimbile, bamusamune ne lunkombe.

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 20:5

Pashishe balombodi ba bena mvita, nebambile bena mvita ne: “Pikala muntu wa munkatshi muenu muase nzubu, kayi muanji kusombamu, apingane kuende. Bualu badi mua kumushipa mu mvita, muntu mukuabu kuvua kuangata nzubu awu.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Didimanyisha 5:8

Yeye mumane kuangata mukanda, Bia muoyi binayi ne bakulu makumi abidi ne banayi kukukuila Muana wa mukoku. Mukulu yonsu uvua ne lunzenze, kabidi ne makopu menza ne mpawungi muwule ne musenga wa kamonya. Musenga awu ke mitendelelu ya bena tshisamba tshia Mvidi Mukulu.