Nehemya 11:18 - MUKANDA WA MYIDI MUKULU

¹⁸ Nanku, bena Levi bavua basombe mu tshimenga tshia tshijila bavua 284.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bena Lewi honso ba mu musoko wa tshijila bakadi nkama ibidi ne makumi muanda mukulu ne banai.

Nehemya 11:18 교차 참조

1 Bakalenga 11:13

Kadi, tshiena mmunyenge bukalenga buonsu to. Nemmushile tshisamba tshimue, anu bualu bua muntu wanyi Davide, ne bualu bua Yerushalayime tshimenga tshimvua musungule.

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

Nehemya 11:17

Muvua kabidi: Mataniya, muana wa Mika, Mika uvua muana awa Zabdi, Zabdi uvua muana wa Ashafe. Mataniya ke uvua utuma misambu mu nzubu wa Mvidi Mukulu diba dia kutendelela. Muanabu Bakbukiya ke uvua tshindonda tshiende. Abda uvua muana wa Shamuwa, Shamuwa uvua muana wa Ngalate, Ngalate uvua muana wa Yedutune.

Nehemya 11:19

Balami ba biibi bavua 172: ke Akube, Talmone, ne bantu ba mu tshiota tshiabu.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Matayi 27:53

Kupatukabu mu nkita. Yezu mumane kubika ku lufu, kubuelabu mu tshimenga tshia tshijila tshia Yerushalayime. Bantu ba bungi bavua babamone mu tshimenga amu.

Matayi 4:5

Nanku diabolu kufikisha Yezu mu Yerushalayime, tshimenga tshia tshijila, kumuteka ku musonga wa nzubu wa Mvidi Mukulu,

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.