Nehemya 11:17 - MUKANDA WA MYIDI MUKULU

¹⁷ Muvua kabidi: Mataniya, muana wa Mika, Mika uvua muana awa Zabdi, Zabdi uvua muana wa Ashafe. Mataniya ke uvua utuma misambu mu nzubu wa Mvidi Mukulu diba dia kutendelela. Muanabu Bakbukiya ke uvua tshindonda tshiende. Abda uvua muana wa Shamuwa, Shamuwa uvua muana wa Ngalate, Ngalate uvua muana wa Yedutune.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Matanaya, muana wa Mika, muana wa Zabedi, muana wa Asafa, wakadi muntu munene wakabanga kutendelela kua kusakidila nʼaku Nzambi; Bakabukiya wakadi muibidi munkatshi mua bana babo; Abeda, muana wa Shamua, muana wa Galala, muana wa Yedutuna.

Nehemya 11:17 교차 참조

2 Samuele 9:12

Mefibaale uvua ne muana wa balume, dina diende Mika. Bantu bonsu bavua mu nzubu wa Siba bavua anu bakuatshila Mefibaale mudimu.

1 Kulondolola 16:4

Davide kusungula bena Levi bakuabu, kubateka kumpala kua mushete wa Maweja-Nangila, bua bimbe misambu mu luendu lua mazengu, batungunuke ne mudimu awu wa kutumbisha, kutendakena ne kusamuna Maweja-Nangila Mvidi Mukulu wa bena Izrayele.

1 Kulondolola 16:41

Bavua ne Emane, Yedutune ne bantu bakuabu bavuabu basungule amu bua batumbishe Maweja-Nangila, bua dinanga diende dia kashidi.

1 Kulondolola 9:15

Muvua kabidi Bakbakare, Ereshe, Ngalale ne Mataniya. Bankambua babu ke Mika, Zikri ne Ashafe.

Nehemya 11:16

Muvua kabidi Shabetayi ne Yozabade, bamfumu ba bena Levi, bavua ne midimu ya ku lupangu lua pambelu lua nzubu wa Mvidi Mukulu.

Nehemya 11:18

Nanku, bena Levi bavua basombe mu tshimenga tshia tshijila bavua 284.

Nehemya 12:24

Bamfumu bonsu ba bena Levi: Ashabiya, Sherebiya ne Yeshuwa, muana wa Kadmiyele, bavua bimane ne bana babu mu bisumbu bibidi batangilangane, batumbisha Mvidi Mukulu, bamuele tuasakidila, bilondeshile mikenji ya Davide muntu wa Mvidi Mukulu.

Nehemya 12:25

Balami ba ku biibi, Mataniya, Bakbukiya, Obadya, Meshulame, Talmone ne Akube bavua ne mudimu wa kulama bibutshilu bivua pabuipi ne biibi bia ku nzubu wa Mvidi Mukulu.

Nehemya 12:31

Meme Nehemya kulomba bamfumu ba bena Yuda bua babande pa tshimana tshia tshimenga. Meme kutapulula bena misambu mu bisumbu bibidi binene. Tshisumbu tshia kumpala tshivua tshiya ku dia balume, tshisemena pa tshimana, tshitangila ku tshiibi tshia Dyala.

Nehemya 12:46

Biangatshile ku tshikondu tshia Davide ne tshia Ashafe, muimbi wa misambu, balombodi ba bena misambu bavua bimbisha misambu ya kusamuna Mvidi Mukulu, kumutumbisha.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.