Nehemya 10:39 - MUKANDA WA MYIDI MUKULU

³⁹ Nanku mutuangaji wa ku ndelanganyi ya Arone, neaye ne bena Levi, bua kuangata tshia dikumi atshi. Bena Levi nebafike ne tshia dikumi atshi mu nzubu wa Mvidi Mukulu, mu bibambalu mudibu bateka bintu bia mushinga.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Bualu budi Bena Isalele ne Bena Lewi nʼabu mbua kulua ne milambu ya bintu bidibo bakuha bia blé ne ya nvinyo mihia-mihia ne ya manyi mu nsubu idi bintu bia tshijila, ne kudi bakuidi badi benza mudimu, ne kudi batuadi ne kudi bimbi ba misambu; katuena tulekela nsubu wa Nzambi wetu.

Nehemya 10:39 교차 참조

2 Bakalenga 7:10

Nanku, kupinganabu mu tshimenga, kubikila batentekedi bavua balame tshiibi tshinene, babambila ne: — Tuvua baye mu mitanda ya bena Siriya, katuena basanganamu muntu to. Kabidi katuena bumvue nansha diyi dia muntu. Tudi basangana anu nyama ya tubalu ne ya mpunde misuike. Tudi basangana kabidi ne ntenta ivuabu balekele.

2 Kulondolola 31:11

Nanku, mukalenga Izkiya kutuma diyi bua bantu balongolole nzubu wa kuteka biakudia ebi, pabuipi ne nzubu wa Mvidi Mukulu. Bamane kuenza nanku,

2 Kulondolola 31:12

bavua bateka misangu yonsu bintu abi, ne milambu mikuabu ya tshijila mu nzubu amu. Kusungulabu Konaniya, muena Levi, bua kuikalaye mulami wa bintu abi. Kusungulabu ne muanabu Shimeyi bua kumuambuluisha.

Nehemya 12:47

Mu matuku a Zerubabele, nansha a Nehemya, bena Izrayele bavua bafila dituku dionsu kudi bimbi ba misambu ne kudi balami ba biibi bintu bivuabu ne bua kufila. Bavua bapesha kabidi bena Levi milambu ya tshijila. Bena Levi pabu bavua bapesha batuangaji ndelanganyi ya Arone, bintu bivuabu ne bua kupeta.

Misambu 122:9

Bua dinanga dindi munange nzubu wa Maweja-Nangila Mvidi Mukulu wanyi, ndi nkujingila bupole.”

Dibadika 18:26

bua amanyishe kabidi bena Levi ne: — Pikala bena Izrayele bafike ne tshia dikumi tshindi munupeshe atshi, nuenu nkayenu numushe kabidi tshia dikumi ku tshia dikumi atshi bua kutshindambula.

Dibadika 18:30

Nuenu bamane kumusha binudi ne bua kundambula, nuangate penu bidi bishale, bu mudi bena Izrayele bonsu bangate bintu bidi bishale ku ntete ya bukula, ku maluvu a mvinyo, ne ku mafuta.

Dielulula 12:17

Milambu yonsu inudi nulambula Maweja-Nangila: ya ntete ya kuenza bukula, ya maluvu, ya mafuta, ya bamuanabute ba bimuna bienu, ngombe, mikoku, mbuji, milambu ya budisuile ne ya mapiku, kanuena mua kudila bintu bia ku milambu ayi mu nzubu yenu to.

Ebrewu 10:25

Katulekedi bisangilu bietu bu bakuabu bakadi ne tshibidilu tshia kubenga kubuelamu. Kadi tukoleshangane ku muoyi, tuenze nanku nangananga lelu unudi numona mudi dituku dia Mfumu disemena pabuipi.