Nehemya 10:32 - MUKANDA WA MYIDI MUKULU

³² Dituku dia Dikisha, nansha dia tshibilu, pikala bantu aba basue kusumbisha ntete ya kuenza bukula, nansha bintu biabu bia mu madimi, katuena tubisumba to. Pashishe, netulekele kudima tshidimu tshia muanda mutekete, netulekelangane kabidi mabanza.

Mukanda wa Nzambi Dihungila Dikulukulu ne Dihungila Dihia-dihia 2003

³² Tuakadielela mikenji kabidi bua kufila tshituha tshia nshekele bua mudimu wa mu nsubu wa Nzambi wetu ku tshidimu ku tshidimu;

Nehemya 10:32 교차 참조

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

1 Kulondolola 26:27

Bantu aba bavua bajidile tshitupa tshia bintu bipawula mu mvita, bua midimu ya nzubu wa Maweja-Nangila.

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Nehemya 13:18

Bankambua benu bavua benza bibi nenku. Ke pavua Mvidi Mukulu mutukengeshe tuetu ne tshimenga tshietu. Kadi nuenu panudi nunyanga dituku dia Dikisha, nudi nukebela bena Izrayele tshiji kudi Mvidi Mukulu.

Nehemya 13:21

Meme kubatandisha, kubambila ne: — Nudi basombe ku mbelu ku bimana bia tshimenga bua tshinyi? Nuenu benza kabidi nanku, ndi nnuelesha mu lukanu. Kutuadija musangu awu, kabavua bafika kabidi dituku dia Dikisha.

Nehemya 5:10

Meme ne bana betu, ne bena mudimu banyi, tavua basombeshe bantu nkanu mitoke ya mushinga mukole, ne ntete ya kuenza bukula. Nanku, tuanyishi bua kabatapingajidi binta bietu.

Nehemya 9:14

Wewe kubaleja mudi dituku dia Dikisha dikale dituku diebe wewe, dituku dia tshijila. Wewe kubamanyisha mikenji yebe mikuabu, mukana mua Moshe, muntu webe.

Ekesode 23:11

Kadi, tshidimu tshia muanda mutekete, kanudimi to. Bidi bishale pa madimi nebabiangate kudi bapele banudi nabu, bikuabu nebabidie kudi nyama ya mu mpata. Nuenze nanku kabidi bua mitshi yenu inudi nukuna ya maluvu ne ya tumuma tua olive.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.