Nehemya 10:29 - MUKANDA WA MYIDI MUKULU

²⁹ Nanku, bantu bonsu kudisangisha nabu ku malaya abu awu. Bantu abu bavua: batuangaji, bena Levi, balami ba biibi, bimbi ba misambu, bena midimu mishilangane ba mu nzubu wa Mvidi Mukulu, kabidi ne tuetu, bakaji betu, bana betu ba balume ne ba bakaji bakavua bakole, bakavua bumvua bivua bienzeka ebi. Tuetu bonsu katuvua babuelakane ne bantu ba bisamba bikuabu bavua bashala mu ditunga, kadi tuvua batumikile mikenji ya Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ bakalamata kudi bana babo ne kudi bantu babo banene, bakadiela mulau, bakaditshiha bua kulondabo mikenji ya Nzambi yakabambileye kudi Mose, muntu wa Nzambi, ne bua kutumikilabo mikenji yonso ya Yehowa, Mukelenge wetu, ne mikenji yandi mijalame ne mei andi mafunda.

Nehemya 10:29 교차 참조

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

2 Bakalenga 23:3

Pashishe, mukalenga kuimana pabuipi ne dikunji dia ku nzubu wa Mvidi Mukulu, kutuaye ndondu ne Maweja-Nangila tshiakabidi. Muntu yonsu kuitaba bua kulamata Maweja-Nangila, ne kukumbaja ne muoyi mujima, meyi ende, mikenji yende, ne mikandu yende, ne kuitaba kabidi, bua kukumbaja bionsu bivua mu mukanda wa ndondu. Bantu bonsu kuitaba mua kuenza nanku.

1 Kulondolola 9:2

Kadi bena Izrayele bakuabu bavua bapingana mu bimenga biabu, bua kuya kusomba tshiakabidi mu lupangu luabu. Pashishe batuangaji, bena Levi ne bantu bavua benza mudimu mu nzubu wa Mvidi Mukulu, bavua bapingana pabu.

2 Kulondolola 34:31

Uvua muimane pa muaba uvuabu bamulongoluele. Kutuaye tshiakabidi ndondu ne Maweja-Nangila. Muntu yonsu uvua ne bua kuitaba ne: ndi musue kuitaba Maweja-Nangila, kukumbaja ne muoyi wanyi mujima, ne bukole buanyi buonsu, meyi ende, mikenji yende ne mikandu yende. Ndi musue kukumbaja kabidi bionsu bidibu bafunde mu mukanda wa ndondu.

2 Kulondolola 6:16

Nanku, Maweja-Nangila Mvidi Mukulu wa bena Izrayele, ukumbaje kabidi malaya makuabu, auvua mulaye tatu wanyi Davide, muntu webe. Uvua mumuambile ne: “Pikala ndelanganyi yebe mingitabe, mienze tshindi musue, bu muuvua wewe muenze, ndi nkujadikila ne: misangu yonsu, muntu wa ku ndelanganyi yebe neakupingane mu bukalenga, bua kushala mukalenga wa bena Izrayele.”

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Nehemya 7:46

Bena midimu mikuabu ya mu nzubu wa Mvidi Mukulu ba ku ndelanganyi ya Sika, Ashufa, Tabayote,

Nehemya 8:3

Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Nehemya 9:2

Bavua balamuka kudi bantu bavua kabayi bena Izrayele, batonda mibi yabu ne ya bankambua babu kabidi.

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

Misambu 8:1

Musambu wa mu mukanda wa mulombodi wa misambu, wa kuimba ne lunkombe lua Ngate. Musambu wa mu mukanda wa misambu ya Davide.

Misambu 8:9

nyunyi, mishipa, ne bionsu bidi bienda mu mayi manene.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yirmeya 26:4

Ubambile ne: Maweja-Nangila udi wamba ne: “Ntelejayi, londayi mikenji yanyi imvua munupe.

Yirmeya 34:15

Nuenu nuvua benza bimpe. Mvuamuanyishe munuvua bapikule bapika benu. Nuvua bumvua-ngane kabidi bua kuenza nanku kumpala kuanyi mu nzubu udi mujidila mu dina dianyi.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Lewitiki 20:26

“Nuikale bantu ba tshijila, badi bajidila mua kungenzela mudimu, bualu meme Maweja-Nangila ndi wa tshijila. Ndi munusungule munkatshi mua bisamba bikuabu, bua nuikale bantu banyi meme.

Dibadika 5:21

Maweja-Nangila akunyoke, ushale nkumba, upeta difu dia munana, bua ushale tshilejilu kudi bantu bonsu, bua batshipangane, batela dina diebe.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yowanane 15:14

Nudi balunda banyi, panudi nuenza mundi munuelele mukenji.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 17:34

Bamue kumulonda, kuitaba Mvidi Mukulu. Kudibu kuvua Diyonisiyuse, muena mu tshipangu tshia Areyopaje, kabidi ne mukaji, diende Damarise, ne bantu bakuabu kabidi.

Bienzedi 23:21

Kadi kubitabi to! Bualu bantu bapite pa makumi anayi bayaya kuadila Polu mu njila bua kumukuata. mBaditshipe ne: katuena tudia, katuena tunua, amu tuetu bamushipe. Mpindiewu mbamane kudilongolola, bindile amu bua umutume mu Tshipangu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Dielulula 33:4

Mikenji idi Moshe mutupe, ke tshiuma tshia ndelanganyi ya Yakobe.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.