Nahume 3:9 - MUKANDA WA MYIDI MUKULU

⁹ Bena Kushe ne bena Ejipitu, bavua balambula tshimenga tshia Tebe bintu bia bungi. Bena ditunga dia Pute ne dia Libiya, bavua batua natshi ndondu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Atiopa ne Ejipitu biakadi bukole buandi, bukole buhite bungi, ba mu Puta ne Lubima bakadi bakuatshishi bandi.

Nahume 3:9 교차 참조

Genese 10:6

Bana ba balume ba Kame badi: Kushe, Misrayime, Pute ne Kenaane.

1 Kulondolola 1:8

Bana ba balume ba Kame badi nenku: Kushe, Misrayime, Pute ne Kenaane.

2 Kulondolola 12:3

Shishake uvua ulombola bena mvita, bavua ne matempu a mvita tshinunu ne nkama ibidi, babandi ba pa nyama ya tubalu binunu makumi asambombu, ne bena mvita bapite bungi ba bena Libiya, bena Suki ne bena Kushe.

2 Kulondolola 16:8

Bena Kushe ne bena Libiya bavua badisangisha tshisumbu tshimue, bikale bena mvita ba bukitu. Bavua ne matempu a mvita, ne babandi ba pa nyama ya tubalu bapite bungi. Kadi, Maweja-Nangila mmubafile bonsu mu bianza biebe, bualu uvuamumuitabe diba adi.

Yeshaya 20:5

Bonsu bavua batekemena kudi bena Kushe, batemba bena Ejipitu, nebatekete mu maboku, bafue bundu.”

Yirmeya 46:9

Nyama ya tubalu, tuyayi. Matempu a mvita, nyemayi lubilu! Nuenu bena Kushe, bilobu bia mvita. Nuenu bena Pute, bambudi ba ngabu mikese. Nuenu bena Lude, bedi ba mikete, nyemayi tumone! Pitayi kumpala tumone!”

Yezekiyele 27:10

Bena mvita ba bena Persa, ba mu Lude ne ba mu Pute, bavua benza mudimu mu tshiluilu tshiebe, bavua bakudika ngabu ne bifulu biabu bia biamu ku bimana bia muebe. Bavua baluangana bua kukukebela lumu.

Yezekiyele 29:7

Bavua bakukuata wewe Ejipitu mu tshianza. Kadi wewe kutshibukila mu bianza biabu. Wewe kubatapa mputa ku dikaya, kubatekesha ku muoyi.

Yezekiyele 30:5

Bena mvita ba bena Kushe, ba bena Pute, bena Lude, bena Arabe, bena Libiya too ne ba mu bantu banyi nebafue mu mvita.

Yezekiyele 31:2

— Yezekiyele, uye kuambila mukalenga wa bena Ejipitu, kabidi ne bantu bonsu badiye ulombola, ne: “Wewe udi ne bukole bua bungi. Ndi mua kukufuanyikija ne tshinyi?

Yezekiyele 38:5

Bena mvita ba bena Persa, ba bena Kushe, ne ba bena Pute nebikale muntu yonsu ne ngabu wende, kabidi ne tshifulu tshiende tshia bena mvita. Bonsu aba nebaye nebe.

Danyele 11:43

Neanyenge bintu bia mushinga mukole bia mu Ejipitu: mpawungi, tshiamu tshitoke tshia mushinga mukole, ne bintu bia mushinga mukole. Bena Libiya ne bena Etiyopiya nebamuitabe.