Nahume 2:1 - MUKANDA WA MYIDI MUKULU

¹ Nuenu bena ditunga dia Yuda, tangila muntu udi unuluila pa mikuna, bua kunumanyisha lumu lua disanka lua ne: tudi batshimune baluishi betu, tuapetshi bupole. Enzayi bibilu bienu bia kutendelela, tuadilayi Mvidi Mukulu binuvua bamulaye. Bualu muntu mubi uvua unukengesha awu, kena mua kubuela kabidi ne nwita mu ditunga dienu. Bukole buende bonsu mbujike.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mubutudi udi ulua kukubunda Lama lumbu luebe lua nvita, tentekela ku nshila, suika mukaba webe bikole, tantamana bikole.

Nahume 2:1 교차 참조

2 Kulondolola 25:8

Wewe muye nabu, nansha wewe muluangane mvita muebe muonsu, Maweja-Nangila neakunyemeshe kumpala kua baluishi bebe. Bualu, anu Mvidi Mukulu nkayende ke udi mua kunuambuluisha bua nutshimune, nansha kuambuluisha badi mua kunutshimuna nuenu.

Misambu 50:14

Tshindi ntekemena kuudi, ki mbiakudia nansha, kadi amu bua untumbishe, meme Mvidi Mukulu webe, ne bua ukumbaje malaya auvua mundaye meme, Muena kulu.

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Yeshaya 14:6

Uvua utuuta bantu ne tshiji tshikole kayi ulekela. Uvua ukengesha bantu ba mu matunga avuaye mukuate, kakuyi dikisha nansha dikese.

Yeshaya 29:7

Bena matunga a bende, bavua bakuluisha wewe Ariyele, bavua bakubunda, bavua bakunyungulula ne mushiki wa buloba, bavua bakukengesha, nebajimine bonsu bu mudi tshilota, bu mudi bualu butudi tumona bufuku.

Yeshaya 29:8

Bualu ebu nebuikale bu mudi muntu ne nzala, ulota, udia biakudia. Kadi upapuka ku tulu, kudiumvuaye amu ne nzala. Nebuikale bu muntu ne nyota, ulota unua mayi. Kadi upapuka ku tulu, mupungile, kudiumvuaye amu ne nyota yende ayi. Ke muikalabi nanku, ne bena matunga badi baluisha mukuna wa Siyone.

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 50:23

Mudi bualu bua nanku buenzeka mbishi? Ditunga dia Babilone divua dia ngindu wa bujitu, uvua uzaza buloba bonsu. Kadi ngindu awu, mbamane kumutshibula, mbamane kumuzaza. Ditunga edi dikadi bu tshipela tshidi tshikuatshisha bowa. munkatshi mua bisamba bikuabu. Mudi bualu bua nanku buenzeka mmunyi?