Nahume 1:2 - MUKANDA WA MYIDI MUKULU

² Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

Nahume 1:2 교차 참조

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

Misambu 94:1

Eyi, Maweja-Nangila, Mvidi Mukulu, udi usombuela bantu. Mvidi Mukulu udi usombuela bantu, patuka.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 34:14

Nuenu kanuena mua kukukuila mvidie wa tshisamba tshikuabu to. Bualu meme Maweja-Nangila ndi ne mukawu. Bushuwa, ndi Mvidi Mukulu wenu nkayanyi.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!

Yeshaya 51:20

Bana bebe badi basomba panshi mu masangu onsu a njila, kabayi banyunga, kabayi ne bukole. Bavua bu ngulungu ivuabu bakuate mu bukondu. Ke muvua Maweja-Nangila mubanyoke bikole, bua tshiji tshivuaye natshi.

Yeshaya 66:15

Tangilayi Maweja-Nangila udi ufika mu kapia. Matempu ende a mvita adi afika bu mvula wa tshipupu. Maweja-Nangila mmuwule ne kanyinganyinga, udi ufika bua kujikija tshiji tshiende, kukumbaja mu ndimi ya kapia bivuaye muambile bantu ne mikanu.

Yirmeya 25:15

Maweja-Nangila Mvidi Mukulu wa Izrayele uvua mungambile ne: “Ndi nkupesha dikopu edi dia mvinyo, didi tente ne tshiji tshianyi. Udiangate, udinuishe bantu ba bisamba bionsu miaba yonsu indi nkutuma.

Yirmeya 28:8

Nansha wewe, nansha meme, katuyi banji kukuata mudimu wa buambi, kuvua bambi kale. Bambi abu bavua bambila bantu ba mu matunga manene, ne ba mu makalenga manene, malu a Mvidi Mukulu. Bavua bapita kumanyisha amu bua mvita, makenga ne disama dia tshiambu.

Yirmeya 3:5

Mumfikile munda kashidi anyi? Neushale nanyi ne lukuna kashidi anyi?” Eyowa, ke muudi wamba nanku. Kadi, kuena ulekela kuenza malu mabi, audi mumanye mupite bakaji bakuabu!

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Yirmeya 50:15

Elayi bibingu bia mvita nseke yonsu ya tshimenga! Monayi bena Babilone badi badifila, bela maboku mulu, mu bianza bia baluishi babu. Baluishi badi bashimbula tuleya tuatshi, bambula bimana biatshi. Ke mudi Maweja-Nangila udisombuela. Nuenzele bena Babilone bivuabu benzele bantu bakuabu.

Muadi 4:11

Tshiji tshia Maweja-Nangila ntshijike. Mvidi Mukulu mmutshileje tshionsu. mMuele kapia mu Siyone, kadi kuosha bitaku biende.

Yezekiyele 36:6

Nanku wewe Yezekiyele, umanyishe ditunga dia bena Izrayele, umanyishe mikuna minene ne mikese, misulu ne bibandabanda ne: “Meme Maweja-Nangila ndi ne tshiji tshikole. Bavua banupenda, banupepeja kudi bisamba bikuabu.

Yezekiyele 38:18

Kadi wewe Ngoge, dituku diudi ufika bua kuluisha bena Izrayele, tshiji tshianyi netshimueneke. Meme Maweja-Nangila Mvidi Mukulu ndi njadika nanku.

Yezekiyele 38:19

Ndi nditshipa ne: dituku dindi mfika munda, buloba nebuzakale bikole. Nennyungishe ditunga dijima dia bena Izrayele.

Yezekiyele 39:25

“Kadi, meme Maweja-Nangila Mvidi Mukulu, ndi ngamba ne: Biangatshile mpindiewu, nengumvuile bena Izrayele, ndelanganyi ya Yakobe, luse. Nembapatule mu dikenga diabu. Bantu bonsu nebanemeke dina dianyi dia tshijila.

Yezekiyele 5:13

Nennuenzele mudi tshiji tshianyi tshingambila. Nennusombuele too ne pajika tshiji tshianyi tshionsu. Nanku nenujadike ne: Meme Maweja-Nangila mvua munuambile malu, bualu butomboji buenu kabuena bundengelela to.

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Yowele 2:18

Maweja-Nangila mmunange ditunga diende, mmufuile bantu bende luse.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Zekâya 1:14

Mutumibue wa Mvidi Mukulu uwa uyukila nanyi, kungambila ne: Ambila bantu mu dina dia Maweja-Nangila wa bukole buonsu ne: “Ndi munange bikole Yerushalayime, ne mukuna wa Siyone,

Zekâya 8:2

“Meme Maweja-Nangila, ndi nnanga Yerushalayime bikole. Ke pandi mfikila baluishi bende munda.

Dibadika 25:11

— Tshiiji tshianyi tshiajiki. Mutuangaji Pinhase, muana wa Elazare, muikale kabidi muikulu wa Arone, mmumane kunyoka bena Izrayele ne tshiiji, mumvua mua kuenza meme. Tshianana, mvua mua kubabutula, bualu meme nkayanyi ndi Mvidi Mukulu wabu.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Rome 13:4

Bualu bamfumu badi bakuatshila Mvidi Mukulu mudimu, bua kukusaka ku dienza dia malu mimpe. Kadi paudi wenza malu mabi, wabatshina! Bidi bimpe bua bamfumu bapete bumfumu bua kunyoka bantu. Ke mudibu bakuatshila Mvidi Mukulu mudimu, bua kuleja tshiji tshidiye ulekela badi benza bibi.

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Dielulula 7:10

Kadi badi bamubenga, udi ubanyoka lukasa, ubabutula.

Ebrewu 10:30

Bualu tudi bamanye uvua muambe ne: “Meme ke wasombola, meme ke wafuta,” kabidi ne: “Maweja-Nangila nealumbuluishe bantu bende.”

Yoshua 24:19

Ke Yoshuwa kuambila bena Izrayele ne: — Kanuena ne mushindu wa kuenzela Maweja-Nangila mudimu to. Bualu udi Mvidi Mukulu wa tshijila. Mmusue bua ikale nkayende Mvidi Mukulu wenu. Kakunufuila luse bua dimutombokela dienu ne buenzayi buenu.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.