Muambi 8:9 - MUKANDA WA MYIDI MUKULU

⁹ Mvua mukenkete bionsu bidi bienzeka pa buloba. Bantu bakese badi ne bumfumu, bakengesha bantu nabu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nakatangila malu au onso; nakateka mutshima wanyi ku malu onso adi enjibua muinshi mua diulu; tshikondo tshidiku tshidi muntu ne bukole bua kukengesha mukuabo.

Muambi 8:9 교차 참조

2 Bakalenga 25:7

Kushipabu bana ba Sedekiya ba balume, tatuabu mutangile. Pashishe, Nebukadnesare kutonkona mesu a Sedekiya onsu abidi. Kumutumaye ku Babilone musuike mionji bikole.

Ekesode 14:28

Mayi awu kubutula matempu ne bavua babanda pa tubalu bia tshiluilu tshijima tshia mukalenga wa bena Ejipitu, tshivuabu balonda natshi bena Izrayele mu mayi. Muntu nansha umue wa bena Ejipitu kena mupande to.

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 3:10

Mvua mutangile midimu mikole idi Mvidi Mukulu mupeshe bantu.

Muambi 3:16

Telejayi mundi mumone kabidi malu makuabu adi panu: bantu badi bakengeshangana muaba uvuabu mua kulongolola malu bimpe, kukosa nsambu pa yoyi.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Muambi 5:7

Kukemi bua paudi mumone bakengesha bapele mu ditunga, kabayi bakosa nsambu yabu pa yoyi. Bualu muntu udi ne muanzu munene, kakupeta tshilumbu, bualu badi bamulame kudi munga udi ne muanzu munene mupite. Bobu babidi kabidi kabakupeta tshilumbu, bualu badi babalame kudi banga badi babapite ku muanzu.

Muambi 5:8

Bivua mua kuikala bilenga bipite, kupeta mukalenga wa ditunga udi wambuluisha batshidime.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Muambi 7:7

Padi muena meji ukengesha muntu, udi wenza amu bu muntu mupale. Mabuejila adi mua kumunyanga muoyi.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.