Muambi 8:8 - MUKANDA WA MYIDI MUKULU

⁸ Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kakuena muntu udi mua kukandika muhuya wa muoyo; yeye kabidi kena mua kuindisha dituku dia lufu; kabena balekela bena nvita hatshidibo baluangana; bubi kabuena mua kuhandisha muenʼabu.

Muambi 8:8 교차 참조

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

2 Bakalenga 7:15

Bena mvita ba bena Izrayele, kulondakaja bena mvita ba bena Siriya too ne ku musulu wa Yardene. Mu njila muonsu amu, bena mvita ba bena Izrayele kusangana bilamba bia bungi ne bintu bikuabu bivua bena Siriya benda bimansha, bua kumona mua kunyema lukasa. Nanku bantu bavuabu batume, kupingana bua kumanyisha mukalenga wa bena Izrayele bionsu abi.

Yobe 14:5

Amu wewe ke udi mujadike bungi bua matuku, ne bungi bua ngondu bidi muntu mua kulala panu. Muntu kena mua kusakidila dituku nansha dimue.

Yobe 34:14

Bu Mvidi Mukulu mudivuluke amu yeye, utunyenga mueyelu wende wa muoyi,

Misambu 89:48

Umvuluke, matuku anyi a panu adi makese! Badi mua kuamba ne: udi mufuke bantu bua patupu!

Misambu 9:17

Maweja-Nangila mmudileje mudiye, mmukose nsambu pa yoyi. Muntu mubi mmudikuatshishe mu bukondu buvuaye muele.

Nsumuinu 12:3

Muntu kena ushindama padiye wenza malu mabi. Kadi tshintu nansha tshimue katshiena tshishindisha bakane.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Muambi 3:21

Kakuena muntu nansha umue udi mua kujadika mudi muoyi wa muntu ubanda mu diulu, ne mudi wa nyama ujimina mu buloba.

Muambi 8:13

Kadi muntu udi wenza malu mabi, kakuikala ne diakalenga. Kakunenga panu. Neafue ne bidimu bikese bualu kena utshina Mvidi Mukulu to.?”

Muambi 9:12

Bualu muntu kena mumanye diba didi dikenga dimukuata to. Udi umona dikenga dimukuata mu mpukapuka, amu mudi mushipa upia ku bukondu nansha nyunyi uditua mu nsumba.

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Yeshaya 28:18

Nebashipe ndondu yenu ne lufu. Diumvuangana dienu ne bajangi, kadiakuikalaku kabidi to. Pafika tshipupu, netshinuboze.

Yeshaya 47:10

Uvua mutekemene lupandu, amu bua bibi biuvua wenza. Uvua wamba ne: “Muntu kena ummona”. Kadi budiambi buebe bua ne: Ndi mumanye, ndi ne lungenyi lutue, ke budi bukutshimbakaja! Ukadi wamba ne: “Meme tshiena ne undi tufuanangana nende!”

1 Korente 15:43

Tshidibu bamiamina ntshintu tshitekete tshia tshianana, kadi tshidi tshibika netshikale ne lumu kabidi ne bukole.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.