Muambi 8:12 - MUKANDA WA MYIDI MUKULU

¹² Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

Muambi 8:12 교차 참조

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

1 Kulondolola 16:30

Nuenu bantu ba buloba bujima, zakalayi kumpala kua Maweja-Nangila. Bavua bashindika buloba, kabayi mua kubunyungisha.

Yobe 35:15

Udi wela meji, nansha yeye ne tshiji, kena mua kukunyoka, kabidi kena ulondolola bibi bidi bantu benza anyi?

Misambu 112:1

Tumbishayi Maweja-Nangila, aleluya! Muntu udi unemeka Maweja-Nangila, umvua disanka bua kulonda mikenji yende, udi ne disanka.

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Misambu 128:2

Usanke ne tshiudi mupete ku mudimu webe. Wikale ne disanka, malu ebe onsu neikale bimpe!

Misambu 37:11

Kadi bakengi nebapete ditunga. Nebasombemu ne disanka divule.

Misambu 96:9

Nuenu bantu ba pa buloba bujima, kukuilayi Maweja-Nangila, bavuala bilamba bia tshijila, padiye uleja bunema buende bua tshijila, nuzakale kumpala kuende.

Ekesode 1:20

Nanku bena Izrayele kuvulangana, kushala bantu bakole. Mvidi Mukulu kusankisha baleleshi abu,

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Muambi 3:14

Mvua mujingulule ne bionsu bidi Mvidi Mukulu muenze, kabiena biandamuka to. Kakuena tshidibu mua kusakidila nansha kumusha. Mvidi Mukulu udi wenza nanku bua bantu bamunemeke.

Muambi 5:16

Kabidi matuku ende onsu panu uvua usomba amu ne kanyinganyinga, ne tshiji ne makenga.

Muambi 5:7

Kukemi bua paudi mumone bakengesha bapele mu ditunga, kabayi bakosa nsambu yabu pa yoyi. Bualu muntu udi ne muanzu munene, kakupeta tshilumbu, bualu badi bamulame kudi munga udi ne muanzu munene mupite. Bobu babidi kabidi kabakupeta tshilumbu, bualu badi babalame kudi banga badi babapite ku muanzu.

Muambi 7:15

Ntshidi amu matuku makese panu. Mvua mumone ne bionsu bidi mua kuenzeka. Muntu udi mua kufua, nansha yeye muntu udi wenza tshidi Mvidi Mukulu musue. Muntu mubi udi mua kushala ne muoyi, nansha yeye muena buenzayi.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Yirmeya 44:10

Too ne mpindiewu, muntu nansha umue kena unyingalala bua bionsu abi. Muntu nansha umue kena muangate bumfumu buanyi ne mushinga. Kena muenze bimvua mulongeshe. Kena mulame mikenji imvua munupeshe nuenu ne bankambua benu.”

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

Dielulula 12:25

Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Dielulula 12:28

Nuenu bena Izrayele nuteleje bionsu bindi nnuambila, nubikumbaje. Nanku, misangu yonsu nenuikale bena diakalenga, nuenu ne ndelanganyi yenu. Bualu nenuenze bidi bimpe, bisankisha Maweja-Nangila Mvidi Mukulu wenu.

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.