Muambi 8:1 - MUKANDA WA MYIDI MUKULU

¹ Muntu nansha umue kena muena meji wa menemene. Udi mua kumvuija bidi bienzeka nnganyi? Kadi muntu wa meji udi uleja mpala wa disanka, minyengu ijimina.

Mukanda wa Nzambi Dihungila Dikulukulu ne Dihungila Dihia-dihia 2003

¹ Udi bu muena meji nganyi? Udi mumanye dijingulula dia bualu nganyi? Meji a muntu adi akenkesha mpala wandi, ne mpala wakadiye munyenge udi usululuka.

Muambi 8:1 교차 참조

Genese 40:8

Kumuandamunabu ne: — Tudi balote bilota, kadi tudi bapange muaba ewu muntu udi mua kutujinguluilabi. Yozefe kubambila ne: — Mvidi Mukulu nkayende ke udi mumanye mua kujingulula bilota. Kadi ndondelayi munudi balote.

Yobe 33:23

Bumue, mutumibue wa Mvidi Mukulu, neikale pabuipi nende, bua kumuambuluisha. Umue wa ku batumibue binunu ne binunu, udi umumanyisha tshidi Mvidi Mukulu musue.

Ekesode 34:35

Kadi pavua bena Izrayele balengame batangile mpala wa Moshe bu muvuaye ukenka, Moshe uvua ubuikila tshilamba pa mpala too ne papinganaye kabidi kudi Mvidi Mukulu.

Nsumuinu 1:6

Nebajingulule mianu ne malu masokome bia bantu badi balongesha mudi meji.

Nsumuinu 12:8

Badi batumbisha muntu wa meji. Kadi badi badiwula muntu mububakane.

Nsumuinu 17:24

Muntu muakane udi ukuata mudimu ne meji. Kadi muntu mupote udi utangila kudiye kayi mua kufika.

Nsumuinu 21:29

Muntu mubi udi wenda ne dikima. Kadi muntu muimpe udi wenza malu ende onsu kayi upampakana.

Nsumuinu 24:5

Meji a muntu ke bukole buende. Dimanya diende didi divudija bumfumu buende.

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Bienzedi 4:29

Kadi mpindiewu, Mfumu, umvua mudibu batukanyina. Ambuluisha bantu bebe, bua bamanyishe muaku webe ne dikima dionsu.

Bienzedi 6:15

Bantu bonsu bavua basombe mu nzubu wa Tshipangu bavua batangile Stefane talalaa. Bavua bamone mpala wende umueneka bu wa mutumibue wa Mvidi Mukulu.

Rome 13:5

Ke mutudi ne bua kutumikila bamfumu. Katuenji nanku amu bua Mvidi Mukulu alekele kutunyoka nansha. Kadi kondu ketu ka munda kabidi katusake ku dienza dia malu mimpe.

Efeze 6:19

Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Dielulula 28:50

Nebikale ne tshikisu, kabayi banemeka bantu bakulakaje, kabayi bafuila bana batekete luse.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

2 Petro 1:20

Kadi nuvuluke nangananga ne: muntu nansha umue kena mua kumvuija ku lungenyi luende nkayende miaku ya bambi, ivuabu bafunde mu Mikanda ya tshijila.