Muambi 7:1 - MUKANDA WA MYIDI MUKULU

¹ Lumu luimpe ndupite manananshi a mushinga mukole. Dituku dia lufu lua muntu ndipite dituku di wabu bamulele.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dina dimpe didi dihita manyi a mushinga mukole buakane, dituku dia lufu ndihita dia kuledibua bulengele.

Muambi 7:1 교차 참조

Yobe 3:17

Ku bafue bena lonji kabena benza kabidi bibi to! Koku aku, bantu badi bamane kupungila, kabayi kabidi ne bukole, badi bikisha.

Misambu 133:2

Bidi bu manyi a mushinga mukole, mela mu mutu mua muntu mubikila ku didia, apueka ne ku muedi wende. Bidi bu muedi wa mutuangaji munene, upueka ne nshingu wa tshilamba tshiende.

Nsumuinu 15:30

Kutangila muntu ne musangelu kudi kumusankisha. Lumu luimpe ludiye upeta ludi lumusanguluja.

Nsumuinu 22:1

Mbimpe kuikala ne lumu luimpe, pa mutu pa kuikala ne biuma bia bungi. Mbimpe bantu bakuanyishe pa mutu pa wewe kupeta mpawungi ne tshiamu tshitoke tshia mushinga mukole.

Nsumuinu 25:10

Bualu kampanda awu yeye mukumvue, neamanye ne: kuena mua kulama bualu busokome munda. Lumu luebe nelunyanguke.

Nsumuinu 27:9

Bilengejilu bia mubidi, ne manananshi bidi bisankisha muntu. Kadi mulunda mupole malu, wa meji, udi upita bionsu abi.

Muambi 10:1

Njiji mifue idi ibolesha kalangi kajima ka manananshi. Nenku butshimbakane bukese budi bunyanga meji ne lumu bidi muntu nabi.

Muambi 4:2

Meme ndi ngamba ne: badi bamane kufua, badi ne diakalenga dipite dia batshidi ne muoyi.

Muambi 7:8

Bidi bimpe kukosesha mutoyi, pa mutu pa kubangulula. Bidi bimpe kuikala muena lutulu, pa mutu pa kuikala muena ditambisha.

Musambu wa Solomo 1:3

dipite mafuta ebe a mupuya muimpe. Wewe udi ulobesha bakaji, bu manananshi adi anunka dipembu dimpe. Ke mudi nsongakaji yonsu ikunangila!

Musambu wa Solomo 4:10

Mubangila wanyi, muanetu wa bakaji, dinnanga diebe ndinkokeshe, ndinkuate bikole mudi maluvu kaayi mua kunkuata. Mafuta ebe a mupuya adi ansankisha, mapite mafuta makuabu onsu.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

2 Korente 5:8

Tudi bakole muoyi, tujinga kushiya mubidi ewu diakamue, bua kuya kusomba mu nzubu mudi Mfumu.

Ebrewu 11:2

Mvidi Mukulu uvua muanyishe bantu ba kale bualu bavua bitaba.

Ebrewu 11:39

Bantu bonsu aba, Mvidi Mukulu uvua mubanyishe bua ditaba diabu. Kadi ka-bavua bapete tshivua Mvidi Mukulu mulaye.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”

Rute 3:14

Rute kulala muaba awu. Kadi kujukaye patshiatshia, butuku kabuyi buanji kutshia. Bualu Bowaze kavua musue bua muntu nansha umue amanye ne: Rute uvua mulue muaba awu.