Muambi 6:2 - MUKANDA WA MYIDI MUKULU

² Tuambe ne: Mvidi Mukulu mmupeshe muntu kampanda bubanji, biuma ne lumu lunene. Muntu awu udi ne bionsu bidiye ujinga. Kadi Mvidi Mukulu kena musue bua asanke nabi to. Muntu mukuabu udi ubidia. Bualu abu mbualu bubi, ndikenga dipite bunene!

Mukanda wa Nzambi Dihungila Dikulukulu ne Dihungila Dihia-dihia 2003

² muntu udi Nzambi uha biuma, bubanji ne butumbi ne kena uhanga tshintu, kena uheta bukole kudi Nzambi bua kuhidia; kadi muenyi udi uhidia; ebu mbualu bua hatuhu ne bua dikenga dikole.

Muambi 6:2 교차 참조

1 Bakalenga 3:13

Ndi musue kukupa kabidi bubanji ne butumbi, biudi kuyi mulombe to. Matuku onsu autshidi ne muoyi, newikale ne butumbi, mupite bakalenga bonsu.

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

1 Kulondolola 29:28

Davide kufua mumane kukulakaja bikole. Uvua ne biuma kabidi ne lumu lupite. Muanende Shelomu kumupingana mu bukalenga.

2 Kulondolola 1:11

Mvidi Mukulu kuandamuna Shelomu ne: — Kuena mulombe bua wewe kuikala mubanji, nansha kuikala ne lumu. Kuena mulombe bua baluishi bebe kufuabu bonsu. Kuena mulombe bua wewe kuikala ne muoyi matuku a bungi pa buloba. Kadi udi ulomba bua kuikala ne meji ne lungenyi bua wewe kulombola bantu banyi, bandi mukupeshe bua wewe kuikala mukalenga wabu.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 73:7

Badi ne kantu ku bianza, bapepeja bantu bakuabu, bela amu meji a kuenzelangana bibi.

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Muambi 5:16

Kabidi matuku ende onsu panu uvua usomba amu ne kanyinganyinga, ne tshiji ne makenga.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 5:19

Bu mudi muntu ewu upeta disanka kudi Mvidi Mukulu, kena uvuluka mudi matuku ende a panu makese be!

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Muadi 5:2

Bintu bietu bia bumpianyi mbabinyenge kudi bantu bakuabu. Nzubu yetu mbayangate kudi bantu benyi.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Osheya 7:9

Bantu benyi mbamane kubanyenga bukole. Kadi bena Efrayime kabena bamanya nanku to. Bena Efrayime bakadi ne nsuki mitoke, kabayi bamona bu bualu.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Dielulula 28:43

Bantu benyi badi munkatshi muenu nebikale ne bukole bua bungi. Kadi bukole buenu nebukepele.

Balombodi 18:10

Panuafikamu, nenusangane bantu abu kabayi badimuke to. Mbase mu buloba bualabale. Mvidi Mukulu neafile buloba abu mu bianza bienu. Kabidi bintu bilenga bionsu bia panshi pa buloba bidi mu buloba abu.